Deuteronomy 10

azerbaijan-2013

1او واخت رب منه ددی: ”اَوّلکی کئمی اؤزون اوچون ائکی داش لؤوحه یون و یانیما داغا چیخ. آغاجدان بئر ساندیق دا اؤزون اوچون دوزَلت.

2قیردیغین اوّلکی لؤوحه‌لرده یازیلان سؤزلری تزه لؤوحه‌لرئن اوستونه یازاجاغام. اونلاری ساندیغا قوی.“

3اَقاقئیا آغاجیندان بئر ساندیق دوزَ‌لدئب، اوّلکی کئمی ائکی داش لؤوحه‌نی یوندوم. سونرا بو ائکی داش لؤوحه‌نی الئمه گؤتوروب داغا چیخدیم.

4رب، ییغین اولان گون، داغدا آلووون ائچئندن سئزه دانیشدیغی اون فرمانی بو لؤوحه‌لرئن اوستونه گئنه ده اوّلکی کئمی یازدی و منه وردی.

5من دؤنوب داغدان اِندئم و ربّئن منه امر اتدئیی کئمی بو لؤوحه‌لری دوزَلتدئیئم ساندیغا قویدوم کی، حله ده اورادادیرلار.

6ائسرایئل اؤولادلاری بِعِروت‌بِنِه‌یَعه‌قاندان موسِرا‌یا کؤچدولر. هارون اورادا اؤلوب دَفن اولوندو. اونون یرئنه اوغلو اِلعازار کاهئن اولدو.

7اورادان گودگودایا و گودگودادان دا آخار سولار دئیاری اولان یوطباتایا کؤچدولر.

8او زامان رب لاوی قبئله‌سئنی آییردی کی، ربّئن عهد ساندیغینی داشیسینلار، ربّه خئدمت ادئب اونون آدی ائله برکت وره‌رک حوضوروندا دایانسینلار. اونلار بو گونه‌جک همن ائشی گؤرورلر.

9بونا گؤره ده لاوئلی‌لره قارداشلاری ائله بئرلئکده پای و تورپاق مئراثی دوشمه‌دی. رب اونلارین مئراثی ائدی، نجه کی، تارینیز رب اونلارا دمئشدی.

10اوّلکی کئمی گئنه ده قیرخ گون-قیرخ گجه داغدا قالدیم. رب بو دفه ده منی اشئتدی و اونا گؤره ائستمه‌دی کی، سئزی قیرسین.

11سونرا رب منه ددی: ”قالخ، کؤچَن خالقین قاباغیندا گت کی، آتالارینا ورمه‌سئنی آند ائچدئیئم تورپاغا گئرئب اورایا مالئک اولسونلار.“

12ائندی، ای ائسرایئل، تارین رب سندن نه ائسته‌یئر؟ مگر بونو ائسته‌مئر کی، تارین ربدن قورخاسان، اونون بوتون یوللارینی توتاسان، اونو سِوه‌سن، و تارین ربّه بوتون اوره‌یئنله و بوتون جانینلا خئدمت اده‌سن،

13و بو گون سنئن خیئرئنه دِدئیئم ربّئن امرلرئنی و قایدالارینی ساخلایاسان.

14باخ، گؤیلر، گؤیلرئن لاپ اوجالاری بِله، یر اوزو و یر اوستونده اولان هر شی تارین ربّئندئر.

15لاکئن رب آتالارینیزا شفقتلی اولدو. اونلاری سِوئب سونراکی نسئل اولان سئزی، بوگونکی کئمی، بوتون خالقلار آراسیندان سچدی.

16بونا گؤره ده اورَکلرئنئزی ختنه ادئن و بئر داها دئکباش اولمایین.

17چونکی تارینیز رب آللاهلارین تاریسی، حؤکمدارلارین حؤکمرانی‌دیر. او طرفدارلیق اتمه‌یَن، روشوت آلمایان، عظمتلی، قودرتلی، و زَهملی تاری‌دیر.

18او، یِتئمئن و دولون دادینا چاتیر. قرئبی سِوئر، اونا چؤرک و پالتار ورئر.

19سئز ده قرئبی سِوئن، چونکی اؤزونوز ده مئصئر اؤلکه‌سئنده قرئب ائدئنئز.

20تارینیز ربدن قورخون، اونا خئدمت ادئب باغلی قالین و آندلارینیزی آنجاق اونون آدینا ائچئن.

21سئزئن فَخرئنئز اودور. بو عظمتلی و زَهملی عمللری تاری ادئر کی، گؤزلرئنئزله گؤرورسونوز.

22آتالارینیز یتمئش نفر اولاراق مئصئره گتدئلر. آمّا ائندی تارینیز رب سئزی چوخالدیب گؤیده‌کی اولدوزلار قدر ادئب.

← Chapter 9 Chapter 11 →