Acts 18

azerbaijan-2013

1بو شیلردن سونرا، پولوس آتِنی ترک ادئب قورئنته گتدی.

2اورادا پونطوس اهلی اَکئلا آدلی یهودی بئر آداما راست گلدی کی، آروادی پرئسکئلا ائله برابر ائتالیادان تزه گلمئشدئلر؛ چونکی کلودئیوس بوتون یهودئلره امر اتمئشدی کی، رومدان چیخسینلار. پولوس اونلارین یانینا گلدی

3و همن صنت صاحئبی اولدوغوندان اونلارلا قالدی و ائشله‌یئردئلر. اونلارین صنتی چادیرچیلیق ائدی.

4و هر سبّت گونو کنئسه‌ده موباحئثه ادئب، یهودئلری و یونانئلری قاندیرماغا چالیشیردی.

5لاکئن سئلاس و تئموتاعوس مقدونئیّه‌دن گلندن سونرا، پولوس اؤزونو تامامن کلاما وقف ادئب یهودئلره عئسانین مسئح اولدوغونو شهادت ورئردی.

6او زامان کی، اونلار موقاوئمت گؤرسه‌دئب کوفر ددئلر، پولوس پالتارینی سئلکئب اونلارا ددی: «قانینیز اؤز بوینونوزا اولسون! من تمئزم! بوندان بله قیری‌‌یهودئلرئن یانینا گده‌رم.»

7و اورادان چیخیب تارینی پرستئش ادن تئتئیوس یوستوس آدلی بئر آدامین اِوئنه گتدی. اونون اِوی کنئسه‌یه بئتئشئک ائدی.

8کنئسه ریئسی کرئسپوس بوتون اِو اهلی ائله ربّه ائمان گتئردئلر و قورئنتلی‌لردن بئر چوخو، بونو اشئدن واخت، ائمان گتئرئب تعمئد آلیردیلار.

9بئر گجه رب بئر رؤیا واسئطه‌‌‌سی‌ائله پولوسا ددی: «آرتیق قورخما! آنجاق دانیش و ساکئت قالما.

10چونکی من سنئنله‌یم و سنه هچ کس توخونمایاجاق، اونا گؤره کی، بو شهرده چوخلو آداملاریم وار.»

11پولوس دا بئر ائل آلتی آی اورادا ساکئن اولوب، تارینین کلامینی اونلارین آراسیندا تعلئم ورئردی.

12آمّا قالئیو اَخایئه والئسی ائکن، یهودئلر ائتّئفاق باغلاییب، پولوسون ضئدّئنه قالخدیلار و اونو محکمه تختئنئن قاباغینا چکئب،

13ددئلر: «بو کئشی آداملاری قانع ادئر کی، شرئعته ضئدّ شکئلده تارینی پرستئش اتسئنلر.»

14پولوس آغزینی آچماق ائسته‌ینده، قالئیو یهودئلره ددی: «اگر بئر حاقسیزلیق و یا آغیر بئر جئنایت مسله‌سی اولسایدی، ای یهودئلر، منه منطئقی اولاردی کی، سئزی دؤزوم.

15آمّا اگر سؤزلر، آدلار و اؤز شرئعتئنئز باره‌ده‌دئر، اؤزونوز اونلاری حلّ ادئن. من بله شیلره حاکئم اولماق ائسته‌مئرم.»

16و اونلاری محکمه‌دن اشئیه سالدی.

17اونلارین هامیسی کنئسه ریئسی سوستِنِسی توتدولار و محکمه‌نئن قاباغیندا دؤیمه‌یه باشلادیلار. قالئیو بونلارین هچ بئرئسئنئن قیدئنده دیئلدی.

18پولوس بئر چوخ گونلر اورادا قالاندان سونرا، قارداشلاردان آیریلدی و گمی ائله سورئیه‌یه گتدی. پرئسکئلا و اکئلا دا اونونلا ائدئلر. نذری اولدوغو اوچون، پولوس کنخرئیه‌ده باشینین توکلرئنی قیرخدیرمیشدی.

19اِفِسوسا چاتدیقلاری زامان، پولوس اونلاری اورادا بوراخدی و اؤزو کنئسه‌یه گئرئب یهودئلرله موباحئثه اتدی.

20و اوندان بئر آز داها چوخ قالماسینی ائسته‌ینده راضی اولمادی

21و اونلارلا وئداعلاشیب ددی: «اگر تاری ائسته‌سه، گئنه سئزئن یانینیزا گله‌رم.» و گمی ائله اِفِسوسدان یولا دوشدو.

22قیصرئیّه‌یه یتئشنده گدئب کئلئسا ائله سالاملاشدی و سونرا انطاکئیه‌یه اندی.

23اورادا بئر مودّت قالاندان سونرا، پولوس یولا چیخدی و ترتئبله قالاتئیا و فئرئجئیه دئیاریندان کچئب شاگئردلرئن هامیسینی قووّتلَندئرئردی.

24بو زامان اَپولّوس آدلی بئر یهودی کی، اصلی ائسکندرئیه‌لی و بلاغت صاحئبی ائدی، اِفِسوسا گلدی. اَپولّوس موقدّس یازیلاری یاخشی بئلئردی.

25بو آدام ربّئن یولوندا تعلئم آلمیشدی و فقط یحیانین تعمئدئندن خبردار اولدوغو حالدا، روحدا قایناییردی و عئسا حاقّیندا صحئح دانیشیب تعلئم ورئردی.

26و کنئسه‌ده جورعتله دانیشماغا باشلادی. آمّا او زامان کی، اَکئلا و پرئسکئلا بونو اشئتدئلر، اونو یانلارینا آلیب ربّئن یولونو اونا داها دقئق آچیقلادیلار.

27اخایئه‌یه گتمک فئکرئنده اولدوغو زامان، قارداشلار اونو تشوئق ادئب، اوراداکی شاگئردلره مکتوب یازدیلار کی، اونو قبول اتسئنلر. اورایا چاتدیغی زامان، فیضله ائمان گتئرنلره چوخ کؤمک اتدی.

28چونکی وار-گوجو ائله یهودئلری عوموم خالق قاباغیندا تکذئب ادئب، موقدّس یازیلارلا گؤرسدئردی کی، عئسا، موعود اولان مسئحدئر.

← Chapter 17 Chapter 19 →