2 Kings 15

azerbaijan-2013

1ائسرایئل پادشاهی یَروبعامین پادشاهلیغینین ائیئرمی یدّئنجی ائلئنده، یهودا پادشاهی اَمَصیانین اوغلو عَزَریا پادشاه اولدو.

2او، پادشاه اولدوغو واخت، اون آلتی یاشیندا ائدی و اورشلئمده اَلّی ائکی ائل پادشاهلیق اتدی. آناسی اورشلئمدن ائدی، آدی دا یِکولیا.

3عَزَریا، آتاسی اَمَصیانین اتدئیی کئمی، ربّئن گؤزونده دوغرو اولان ائشلر اتدی.

4آنجاق پرستئشگاهلار آرادان قالدیریلمادی، خالق حله ده بو پرستئشگاهلاردا قوربان گتئرئب بوخور یاندیریردی.

5رب پادشاها بلا گؤندَ‌ردی، اِله کی، اؤلومونه قدر جوزاما دوچار ائدی. پادشاه آیری بئر اِوده یاشاییردی. اونون اوغلو یوتام سارایا باخیب اؤلکه خالقینا حؤکم ادئردی.

6عَزَریانین قالان ائشلری و اتدئیی هر شی باره‌ده مگر یهودا پادشاهلارینین سالنامه‌لر کئتابیندا یازیلماییبدیر؟

7عَزَریا اؤلوب آتالاری ائله یاتدی و اونو داوودون شهرئنده، آتالارینین یانیندا باسدیردیلار. اونون یرئنه اوغلو یوتام پادشاه اولدو.

8یهودا پادشاهی عَزَریانین پادشاهلیغینین اوتوز سکّئزئنجی ائلئنده، یَروبعام اوغلو زِکَرئیّا سامئره‌ده ائسرایئل اوستونده پادشاه اولدو و آلتی آی پادشاهلیق اتدی.

9او، آتالارینین اتدئیی کئمی، ربّئن گؤزونده پئس اولان ائشلر اتدی و نِباط اوغلو یَروبعامین ائسرایئله اتدئردئیی گوناهلاردان اَل چکمه‌دی.

10یابِش اوغلو شَلّوم اونون ضئدّئنه قصد حاضیرلادی؛ اونو خالقین قاباغیندا ووروب اؤلدوردو و یرئنه پادشاه اولدو.

11باخ، زِکَرئیّانین قالان ائشلری باره‌ده ائسرایئل پادشاهلارینین سالنامه‌لر کئتابیندا یازیلیبدیر.

12ربّئن یِیهویا دانیشیب ددئیی سؤز بو ائدی: «دؤردونجو نسلئنه قدر سنئن اؤولادلارین ائسرایئل تختئنده اوتوراجاقلار.» و بله ده اولدو.

13یهودا پادشاهی عوزّئیانین پادشاهلیغینین اوتوز دوقّوزونجو ائلئنده، یابِش اوغلو شَلّوم پادشاه اولدو و سامئره‌ده بئر آی پادشاهلیق اتدی.

14جادی اوغلو مِناخِم تئرصادان چیخیب سامئره‌یه گلدی. سامئره‌ده یابِش اوغلو شَلّومو ووروب اؤلدوردو و یرئنه پادشاه اولدو.

15باخ، شَلّومون قالان ائشلری و نجه قصد حاضیرلادیغی باره‌ده ائسرایئل پادشاهلارینین سالنامه‌لر کئتابیندا یازیلیبدیر.

16او واخت مِناخِم تئرصادان چیخیب تئفسَخده و اونون سرحدلرئنده یاشایانلارین هامیسینی قیردی. دروازالاری اونون اوزونه آچمادیقلارینا گؤره اونلاری محو اتدی و اورادا اولان بوتون بویلو آروادلارین قارینلارینی ییرتدی.

17یهودا پادشاهی عَزَریانین پادشاهلیغینین اوتوز دوقّوزونجو ائلئنده، جادی اوغلو مِناخِم ائسرایئل اوستونده پادشاه اولدو و سامئره‌ده اون ائل پادشاهلیق اتدی.

18او، ربّئن گؤزونده پئس اولان ائشلر اتدی و بوتون عؤمرو بویو نِباط اوغلو یَروبعامین ائسرایئله اتدئردئیی گوناهلاردان اَل چکمه‌دی.

19آشور پادشاهی پول اؤلکه‌یه هوجوم اتدی. مِناخِم اونا مئن تالانت گوموش وردی کی، پادشاهلیغینی مؤحکملَندئرمک اوچون پول اونونلا موتّفئق اولسون.

20مِناخِم آشور پادشاهینا ورمک اوچون ائسرایئلئن وارلی آداملارینین هامیسیندان گوموش ییغدی، اونلارین هر بئرئندن اَلّی شِکِل گوموش آلدی. او واخت آشور پادشاهی بو اؤلکه‌ده قالماییب گری قاییتدی.

21مِناخِمئن قالان ائشلری و اتدئیی هر شی باره‌ده مگر ائسرایئل پادشاهلارینین سالنامه‌لر کئتابیندا یازیلماییبدیر؟

22مِناخِم اؤلوب آتالاری ائله یاتدی و یرئنه اوغلو پِقَخیا پادشاه اولدو.

23یهودا پادشاهی عَزَریانین پادشاهلیغینین اَلّئنجی ائلئنده، مِناخِم اوغلو پِقَخیا سامئره‌ده ائسرایئل اوستونده پادشاه اولدو و ائکی ائل پادشاهلیق اتدی.

24او، ربّئن گؤزونده پئس اولان ائشلر اتدی؛ نِباط اوغلو یَروبعامین ائسرایئله اتدئردئیی گوناهلاردان اَل چکمه‌دی.

25رِمَلیا اوغلو پِقَخ کی، پِقَخیانین کشئکچئلر ریئسی ائدی، اونون ضئدّئنه قصد حاضیرلادی. گئلعادلی‌لاردان اَلّی نفرئن کؤمه‌یی ائله، سامئره‌ده، سارایین قالاسیندا، اونو اَرگوب و اَریِه ائله بئرلئکده ووروب اؤلدوردو و اونون یرئنه پادشاه اولدو.

26باخ، پِقَخیانین قالان ائشلری و اتدئیی هر شی باره‌ده ائسرایئل پادشاهلارینین سالنامه‌لر کئتابیندا یازیلیبدیر.

27یهودا پادشاهی عَزَریانین پادشاهلیغینین اَلّی‌ائکئنجی ائلئنده، رِمَلیا اوغلو پِقَخ سامئره‌ده ائسرایئل اوستونده پادشاه اولدو و ائیئرمی ائل پادشاهلیق اتدی.

28او، ربّئن گؤزونده پئس اولان ائشلر اتدی؛ او نِباط اوغلو یَروبعامین ائسرایئله اتدئردئیی گوناهلاردان اَل چکمه‌دی.

29ائسرایئل پادشاهی پِقَخئن دؤورونده، آشور پادشاهی تئگلَت‌پئلِسِر گلئب عئیّونو، آبِل‌بِیت‌مَعَکانی، یانواَخی، قِدِشی، خاصورو، گئلعادی، گالئلی و بوتون نَفتالی تورپاغینی توتدو و اهالئسئنی آشورا اسئر اتدی.

30اِلا اوغلو هوشِعَع، رِمَلیا اوغلو پِقَخئن ضئدّئنه قَصد حاضیرلادی؛ اونو ووروب اؤلدوردو و عوزّئیا اوغلو یوتامین پادشاهلیغینین ائیئرمئنجی ائلئنده اونون یرئنه پادشاه اولدو.

31باخ پِقَخئن قالان ائشلری و اتدئیی هر شی باره‌ده ائسرایئل پادشاهلارینین سالنامه‌لر کئتابیندا یازیلیبدیر.

32ائسرایئل پادشاهی رِمَلیا اوغلو پِقَخئن پادشاهلیغینین ائکئنجی ائلئنده، عوزّئیا اوغلو یوتام یهودا اوستونده پادشاه اولدو.

33او، پادشاه اولدوغو واخت، ائیئرمی بش یاشیندا ائدی و اورشلئمده اون آلتی ائل پادشاهلیق اتدی. آناسی، صادوق قیزی یِروشا ائدی.

34یوتام، آتاسی عوزّئیانین اتدئیی کئمی، ربّئن گؤزونده دوغرو اولان ائشلر اتدی.

35لاکئن پرستئشگاهلار آرادان قالدیریلمادی؛ خالق حله ده بو پرستئشگاهلاردا قوربان گتئرئب بوخور یاندیریردی. او، ربّئن معبدئنئن یوخاری دروازاسینی تعمئر اتدی.

36یوتامین اتدئیی قالان ائشلری باره‌ده مگر یهودا پادشاهلارینین سالنامه‌لر کئتابیندا یازیلماییبدیر؟

37رب او دؤورده اَرام پادشاهی رِصئنی و رِمَلیا اوغلو پِقَخی یهودانین اوستونه گؤندَ‌رمیه باشلادی.

38یوتام اؤلوب آتالاری ائله یاتدی و آتاسی داوودون شهرئنده، آتالارینین یانیندا باسدیریلدی. اونون یرئنه اوغلو آخاز پادشاه اولدو.

← Chapter 14 Chapter 16 →