2 Chronicles 24

azerbaijan-2013

1یوآش، پادشاه اولدوغو واخت، یدّی یاشیندا ائدی و اورشلئمده قیرخ ائل پادشاهلیق اتدی. آناسی بئرشئبادان ائدی آدی دا ظئبیا.

2یوآش کاهئن یِهویاداعین بوتون عؤمرو بویو ربّئن گؤزونده دوغرو اولان ائشلر اتدی.

3یِهویاداع اونا ائکی آرواد آلدی. او، اوغوللار و قیزلار آتاسی اولدو.

4بوندان سونرا یوآش بو نئیّتده اولدو کی، ربّئن معبدئنی تعمئر اتسئن.

5کاهئنلرله لاوئلی‌لری بئر یره ییغیب اونلارا ددی: «یهودانین شهرلرئنه چیخین و تارینیزین معبدئنی هر ائل تعمئر اتمک اوچون بوتون ائسرایئللی‌لردن پول ییغین، بو ائشی گؤرمکده گرک تَلَسه‌سئنئز.» لاکئن لاوئلی‌لر تَلَسمه‌دئلر.

6پادشاه باش کاهئن یِهویاداعی چاغیردی و اوندان سوروشدو: «نه اوچون لاوئلی‌لردن طلب اتمه‌یئبسن کی، ربّئن قولو موسانین و ائسرایئل جاماعاتینین شهادت چادیری اوچون قویدوقلاری ورگئنی یهودادان و اورشلئمدن گتئرسئنلر؟»

7چونکی او خبئث آرواد عَتَلیانین اوغوللاری تارینین معبدئنه زورلا گئرمئشدئلر و ربّئن معبدئنئن بوتون موقدّس شیلرئنی ده بَعَل بوتلری اوچون ائشلَتمئشدئلر.

8پادشاه امر اتدی و بئر ساندیق دوزَ‌لدئب اونو ربّئن معبدئنئن دروازاسینا، باییر طرفه قویدولار.

9یهودادا و اورشلئمده اعلان اتدئلر کی، تارینین قولو موسانین چؤلده ائسرایئل اوستونه قویدوغو ورگئنی رب اوچون گتئرسئنلر.

10ریئسلرله بوتون خالق سِوئندی و ساندیق دولانا قدر ورگئنی گتئرئب اونون ائچئنه قویدولار.

11پادشاهین مأمورلاری لاوئلی‌لرئن اونلارین یانینا گتئردئکلری ساندیقدا چوخلو گوموش اولدوغونو گؤرنده، پادشاهین مئرزه‌سی ائله باش کاهئنئن مأمورو گلئب ساندیغی بوشالداردیلار، سونرا اونو گئنه یرئنه قایتاراردیلار. هر گون بله اتمکله اولدوقجا چوخ پول ییغدیلار.

12پادشاهلا یِهویاداع اونو ربّئن معبدئنئن خئدمت ائشئنی گؤرَنلره وردئلر؛ ربّئن معبدئنئن اَوّلکی حالینا دؤنده‌رمه‌سی اوچون داش‌یونانلاری و دولگَرلری، ربّئن معبدئنی تعمئر اتمک اوچون ده دَمئر و بورونج اوستالارینی اوجرتله توتدولار.

13ائشچئلر ائشله‌دئلر، تعمئر ائشی اونلارین اَلئنده ائره‌لی گتدی و تارینین معبدئنی اَوّلکی حالینا گتئرئب اونو مؤحکملَندئردئلر.

14ائشی قورتاردیقلاری واخت، یرده قالان پولو پادشاهین و یِهویاداعین حوضورونا گتئردئلر و بونونلا ربّئن معبدی اوچون اشیالار، یعنی خئدمت و یاندیرما قوربانلاری اوچون قاشیقلار، قابلار، قیزیل و گوموش اشیالار دوزَلتدئلر. اونلار یِهویاداعین بوتون عؤمرو بویو دائم ربّئن معبدئنده یاندیرما قوربانلاری تقدئم اتدئلر.

15یِهویاداع قوجالیب یاشلاندی و اؤلدو. او، اؤلدویو زامان، یوز اوتوز یاشیندا ائدی.

16اونو داوودون شهرئنده پادشاهلارین یانیندا باسدیردیلار، چونکی ائسرایئل اوچون و تاری ائله معبدی اوچون یاخشیلیق اتمئشدی.

17یِهویاداعین اؤلوموندن سونرا یهودا ریئسلری گلئب پادشاها باش اَیدئلر. او زامان پادشاه اونلارا قولاق آسدی.

18خالق آتالارینین تاریسی ربّئن معبدئنی ترک اتدئلر، اَشِرا بوتلرئنه و آیری بوتلره قوللوق اتدئلر. اونلارین بو گوناهیندان اؤتری ده یهودا ائله اورشلئم اوستونه قضب گلدی.

19رب اونلارین یانینا پیغمبرلر گؤندَ‌ردی کی، اونلاری اؤزونه طرف دؤندَ‌رسئن. گرچی پیغمبرلر اونلارین ضئدّئنه شهادت وردئلر، لاکئن خالق قولاق آسمادی.

20او واخت تارینین روحو کاهئن یِهویاداعین اوغلو زِکَرئیّانین اوستونه گلدی و خالقین قاباغیندا دایانیب اونلارا ددی: «تاری بله دیئر: نه اوچون ربّئن امرلرئنی پوزورسونوز کی، ائشلرئنئز یاخشی گتمه‌سئن؟ چونکی سئز ربّی ترک اتدئیئنئز کئمی، او دا سئزی ترک اتدی.»

21اونون ضئدّئنه قصد حاضیرلادیلار و اونو پادشاهین امری ائله ربّئن معبدئنئن حَیَطئنده داشا باسدیلار.

22بله‌جه یوآش پادشاه زِکَرئیّانین آتاسی یِهویاداعین اونا اتدئیی مهرئبانلیغی یادا سالمادی و اونون اوغلونو اؤلدوردو. زِکَرئیّا اؤلرکَن ددی: «رب گؤرسون و قئصاص آلسین.»

23ائلئن آخیریندا اَرام قوشونو یوآشین اوستونه گلدی. اونلار یهودایا و اورشلئمه هوجوم اتدئلر. خالقین بوتون ریئسلرئنی محو اتدئلر و اونلاردان آلینان بوتون قنئمتی دَمَشق پادشاهینا گؤندَردئلر.

24دوغرودان دا اَراملی‌لار آز قوشونلا گلدئلر، لاکئن رب چوخ بؤیوک بئر قوشونو اونلارا تسلئم اتدی، چونکی خالق آتالارینین تاریسی رَبدن اوز دؤندَ‌رمئشدی. بله‌جه، یوآشین ضئدّئنه حؤکملری ائجرا اتدئلر.

25یوآشین یانیندان گتدئکلری زامان، اونو چوخ یارالی بئر وضعئیّتده قویدولار. اونون اعیانلاری کاهئن یِهویاداعین اوغلونون قانینا گؤره، اونون ضئدّئنه قصد حاضیرلادیلار و اونو یاتاغیندا اؤلدوردولر. یوآش اؤلدو و اونو داوودون شهرئنده باسدیردیلار، آمّا پادشاهلارین مقبره‌لرئنده باسدیرمادیلار.

26اونون ضئدّئنه قصد قورانلار بونلاردیرلار: شئمعات آدلی عَمّونلو آروادین اوغلو زاباد و شئمرئت آدلی موآبلی آروادین اوغلو یِهوزاباد.

27یوآشین اوغوللاری، اونا ادئلَن چوخ نَبئلئک و تاری معبدئنئن تعمئری باره‌ده پادشاهلارین تفسئر کئتابیندا یازیلیبدیر. یوآشین یرئنه اوغلو اَمَصیا پادشاه اولدو.

← Chapter 23 Chapter 25 →