2 Chronicles 23

azerbaijan-2013

1یدّئنجی ائلده یِهویاداع اؤزونو مؤحکمله‌دئب و یوزباشی‌لار یِروخام اوغلو عَزَریا، یِهوخانان اوغلو ائسماعئل، عوبِد اوغلو عَزَریا، عَدایا اوغلو مَعَسِیا و زئکری اوغلو اِلئشافاطلا عهد باغلادی.

2اونلار یهودانی گَزئب اورانین بوتون شهرلرئندن لاوئلی‌لری و ائسرایئلئن نسئل باشچیلارینی ییغدیلار و اورشلئمه گلدئلر.

3سونرا بوتون جاماعات تاری معبدئنده پادشاهلا عهد باغلادیلار. یِهویاداع اونلارا ددی: «باخین، پادشاهین اوغلو سلطنت اده‌جک. نجه کی، رب داوودون اوغوللاری حاقّیندا دیئب.

4سئز بله ادئن: سئزدن سَبّت گونو نؤوبه چکن کاهئنلرئن و لاوئلی‌لرئن اوچده بئری آستانادا دایانان قاپیچیلار اولسون،

5اوچده بئری پادشاهین ساراییندا اولسون و اوچده بئری ده بونؤوره دروازاسیندا. بوتون خالق دا ربّئن معبدئنئن حَیَطلرئنده اولسون.

6لاکئن کاهئنلردن و خئدمت ادن لاوئلی‌لردن آیری ربّئن معبدئنه هچ کس گئرمه‌سئن، اونلار گئرسئنلر، چونکی موقدّسدئرلر. بوتون خالق ربّئن بویوردوغونو قوروسون.

7لاوئلی‌لر هر بئری سئلاحی اَلئنده پادشاهی اَحاطه‌یه آلسینلار؛ معبده گئرن هر کس اؤلدورولسون. پادشاهین گئرئب-چیخدیغی واخت اونونلا اولسونلار.»

8لاوئلی‌لرله بوتون یهودالی‌لار کاهئن یِهویاداعین امر اتدئیی هر شیی اتدئلر. هر بئری اؤز آداملارینی، سَبّت گونو نؤوبه چکنلری و نؤوبه‌ده اولمایانلاری گؤتوردو، چونکی کاهئن یِهویاداع بؤلمه‌لرئن هچ بئرئنی بوراخمامیشدی.

9کاهئن یِهویاداع یوزباشی‌لارا تارینین معبدئنده اولان داوود پادشاهین نئزه‌لرئنی، قالخانلارینی و سئپرلرئنی وردی.

10بوتون خالقی معبدئن صاغ طرفئندن سول طرفئنه قدر قوربانگاهین و معبدئن یانینا، پادشاهین اطرافینا قویدو. هر کسئن سئلاحی اَلئنده ائدی.

11او واخت یِهویاداعلا اوغوللاری شاهزاده‌نی ائره‌لی چیخارتدیلار و تاجی باشینا قویوب شهادتنامه‌نی اونا وردئلر. و اونو پادشاه اتدئلر. یِهویاداع و اوغوللاری اونو مسح ادئب ددئلر: «یاشاسین پادشاه!»

12عَتَلیا قاچیشان و پادشاهی مدح ادن خالقین سَسئنی اشئتدئکده خالقین یانینا، ربّئن معبدئنه گلدی.

13او باخیب گؤردو کی، پادشاه گئره‌جک یرده، اؤز سوتونونون یانیندا دایانیب، ریئسلر و کَره‌نای چالانلار دا پادشاهین یانیندادیرلار. بوتون اؤلکه خالقی سِوئنئب کَره‌نای چالیردی. نغمه‌چئلر ده موسئقی آلَتلری چالاراق حمد ادئردئلر. عَتَلیا پالتارینی جیریب باغیردی: «خیانت! خیانت!»

14کاهئن یِهویاداع قوشون اوچون باشچی اولان یوزباشیلاری چاغیریب ددی: «اونو ردئفلرئن آراسیندان چیخاردین و دالینجا گلن قیلینجلا اؤلدورولسون.» چونکی کاهئن دمئشدی: «اونو ربّئن معبدئنده اؤلدورمه‌یئن.»

15عَتَلیانی توتدولار. اونو پادشاه سارایینین آتلار دروازاسینین گئره‌جک یرئنه گتئردئلر و اورادا اونو اؤلدوردولر.

16یِهویاداع اؤزو و بوتون خالقلا پادشاه آراسیندا عهد باغلادی کی، اونلار ربّئن خالقی اولسونلار.

17بوتون خالق بَعَل معبدئنه گتدی. اونو داغیدیب قوربانگاهلارینی و بوتلرئنی تئکه-تئکه اتدئلر. بَعَل کاهئنی مَتّانی قوربانگاهلارین قاباغیندا اؤلدوردولر.

18یِهویاداع ربّئن معبدی اوستونده مسعولئیّتی او لاوئلی کاهئنلره وردی کی، داوود اونلاری ربّئن معبدئنده تعیئن اتمئشدی کی، اؤز قایداسینا گؤره، شادلیقلا و نغمه ائله موسانین قانونوندا یازیلدیغی کئمی ربّه یاندیرما قوربانلاری تقدئم اتسئنلر.

19ربّئن معبدئنئن قاپیلارینا قاپیچیلار دا قویدو کی، نجئس اولان کئمسه اورایا گئرمه‌سئن.

20او، یوزباشی‌لاری، اعیانلاری، خالقین ریئسلرئنی، بوتون اؤلکه خالقینی اؤزو ائله گؤتوردو. اونلار پادشاهی ربّئن معبدئندن گتئردئلر و یوخاری دروازاسینین یولو ائله سارایا گلدئلر و پادشاهی سلطنت تختئنده اوتورتدولار.

21بوتون اؤلکه خالقی سِوئندی و شهر ساکئتلَشدی، چونکی عَتَلیانی قیلینجلا اؤلدورموشدولر.

← Chapter 22 Chapter 24 →