1 Samuel 7

azerbaijan-2013

1قئریَت‌یِعه‌رئم اهالئسی گلئب ربّئن ساندیغینی آپاردیلار. اونو تپه‌ده اولان اَبئنادابین اِوئنه چیخارتدیلار و اوغلو اِلعازاری تقدئس اتدئلر کی، ربّئن ساندیغینا گودوکچو اولسون.

2ساندیق قئریَت‌یِعه‌رئمه گلن گوندن چوخ واخت کچدی، ائیئرمی ائل سوردو. بوتون ائسرایئل خالقی رب اوچون حسرت چکئردی.

3سَمویئل بوتون ائسرایئللی‌لره خئطاب ادئب ددی: «اگر بوتون قلبئنئزله ربّه دؤنه‌سئنئز، یاد آللاهلاری، عَشتاروت بوتلرئنی آتیب، اوره‌یئنئزی ربّه وره‌سئنئز و فقط اونا قوللوق اده‌‌سئنئز، او سئزی فئلئسطلی‌لرئن اَلئندن قورتارار.»

4او زامان ائسرایئل اؤولادلاری بَعَل و عَشتاروت بوتلرئنی آتیب فقط ربّه قوللوق اتدئلر.

5سمویئل ددی: «بوتون ائسرایئللی‌لری مئصپا‌یا ییغین و من سئزه گؤره ربّئن حوضوروندا دوعا اده‌جیم.»

6اونلار مئصپا‌یا ییغیلدیلار، سو چکئب ربّئن قاباغینا تؤکدولر و او گون اورادا اوروج توتوب ددئلر: «ربّئن ضئدّئنه گوناه اتمئشئک.» سمویئل مئصپادا ائسرایئللی‌لره داورلئک اتدی.

7فئلئسطلی‌لر ائسرایئل اؤولادلارینین مئصپادا ییغیلدیغینی اشئدنده، فئلئسطلی‌لرئن آغالاری ائسرایئللی‌لرئن ضئدّئنه چیخدیلار. ائسرایئل اؤولادلاری بونو اشئدن واخت قورخدولار.

8اونا گؤره ده ائسرایئل اؤولادلاری سمویئله ددئلر: «تاریمیز ربّه دورمادان یالوار کی، بئزی فئلئسطلی‌لرئن اَلئندن قورتارسین.»

9سمویئل بئر اَملئک قوزو گؤتوروب اونو بوتؤولوک ربّه یاندیرما قوربانی تقدئم اتدی. او، ائسرایئل اوچون ربّه یالواردی و رب سمویئله جاواب وردی.

10سمویئل یاندیرما قوربانی وِرَرکَن، فئلئسطلی‌لر یاخینلاشیردیلار کی، ائسرایئله هوجوم اتسئنلر. آمّا رب او گون گوجلو سَسله گورلاییب، فئلئسطلی‌لرئن اوستونه ولوله سالدی اله کی، ائسرایئلئن قاباغیندا مغلوب اولدولار.

11ائسرایئللی‌لر مئصپا‌دان چیخیب بِیت‌کار آلتینا چاتانا قدر فئلئسطلی‌لری قوووب قیردیلار.

12سونرا سمویئل بئر داش گؤتوروب، مئصپا ائله شِن آراسینا قویدو و «رب بئزه بورایا قدر کؤمک اتدی» دئیه‌رک بو داشی اِبِنعِزِر آدلاندیردی.

13بله‌جه فئلئسطلی‌لر مغلوب اولوب بئر داها ائسرایئل تورپاغینا گلمه‌دئلر. سمویئلئن بوتون عؤمرو بویو ربّئن اَلی فئلئسطلی‌لرئن ضئدّئنه ائدی.

14فئلئسطلی‌لرئن ائسرایئلدن آلدیقلاری شهرلر، عِقروندان گَته قدر، گری قایتاریلدی. ائسرایئللی‌لر تورپاقلارینی فئلئسطلی‌لرئن اَلئندن قورتاردیلار. بله‌جه ائسرایئللی‌لرله اِمورلولارین آراسیندا صولح یاراندی.

15سمویئل عؤمرو بویو ائسرایئله داورلئک اتدی.

16او، ائل‌به‌ائل، نؤوبه ائله بِیت ائلی، گئلگالی، مئصپا‌نی گَزئب بو یرلرده ائسرایئله داورلئک ادئردی.

17سونرا دا رامایا قاییدیردی، چونکی اِوی اورادا ائدی. اورادان دا ائسرایئله داورلئک ادئردی. او همئن یرده ربّه بئر قوربانگاه تئکدی.

← Chapter 6 Chapter 8 →