1 Samuel 21

azerbaijan-2013

1داوود نوب شهرئنه، کاهئن اَخئمِلِکئن یانینا گلدی. اَخئمِلِک قورخودان اَسه‌‌رک داوودون پئشوازینا چیخیب ددی: «نئیه تک گلئبسن؟ نئیه یانیندا هچ کئم یوخدور؟»

2داوود کاهئن اَخئمِلِکه ددی: «پادشاه منه ائش بویوروب و منه دیئب کی، سنی نه اوچون گؤندَ‌ردئیئمی و سنه امر اتدئیئم ائشی هچ کئم بئلمه‌سئن. اونا گؤره ده آداملاری موعیّن بئر یره گؤندَ‌رمئشم.

3ائندی یانیندا یِمَیه نه وار؟ منه بش کؤمبه چؤرک یا دا نه وارسا، ور.»

4کاهئن داوودا ددی: «عادی چؤرک یوخدور، آنجاق اگر آداملار آروادلارلا یاخینلیق اتمه‌یئبلر، موقدّس چؤرک وار.»

5داوود کاهئنه جاواب ورئب ددی: «عادته گؤره منئم آداملاریم عادی سفره چیخاندا بِله، بدنلرئنی طاهئر ساخلاییرلار و آروادلارلا یاخینلیق اتمئرلر. بس نه قدر چوخ بوگونکی سفره، کی، هامی طاهئر اولمالی‌دیرلار.»

6کاهئن اونا موقدّس چؤرک وردی، چونکی رب اوچون تقدئس اولموش چؤرکلردن باشقا، چؤرک یوخ ائدی. او چؤرکلر ربّئن قاباغیندان گؤتورولموشدو کی، گؤتورولدویو گون یرئنه ائستی چؤرکلر قویولسون.

7او گون شاعولون اعیانلاریندان بئر نفر اورادا ائدی. او، ربّئن قاباغیندا اولان دئنی مراسئمه گؤره یوبانمیشدی. بو، شاعولون باش چوبانی اِدوملو دواِق ائدی.

8داوود اَخئمِلِکه ددی: «آیا بورادا یانینیزدا بئر نئزه یا دا بئر قیلینج وار؟ چونکی پادشاه منه تَعجئلی ائش بویوردوغو اوچون، نه قیلینجیمی گؤتوره بئلدئم، نه ده سئلاحلاریمی.»

9کاهئن ددی: «الاه دره‌سئنده اؤلدوردویون فئلئسطلی گولیاتین قیلینجی بِزه بوکولو اورادا، اِفودون آرخاسیندادیر. اگر اونو ائسته‌یئرسن، گؤتور، چونکی بورادا اوندان باشقا یوخدور.» داوود ددی: «اونون کئمی هچ قیلینج یوخدور، اونو منه ور.»

10او گون داوود شاعولدان قاچدی و گَت پادشاهی آکئشئن یانینا گتدی.

11لاکئن آکئشئن اعیانلاری اونا ددئلر: «مگر بو اؤز اؤلکه‌سئنئن پادشاهی داوود دیئل؟ مگر آروادلار اوینایاندا، بونو ترنّوم ادئب اوخوموردولار؛ ”شاعول قیردی مئنلری، داوود اون مئنلری؟“»

12داوود بو سؤزلری اوره‌یئنه سالیب گَت پادشاهی آکئشدن چوخ قورخدو.

13اؤزونو دَلئلئیه ووردو و یانلاریندا دَلی کئمی رفتار ادئب، دروازا قاپیسینین تایلارینی جیرماقلادی و آغزینین سویونو ساقّالینا آخیتدی.

14آکئش اعیانلارینا ددی: «باخ گؤرورسونوز کی، بو آدام دَلی‌دئر. نه اوچون اونو منئم یانیما گتئرئبسئنئز؟

15مگر منئم دَلی‌لرئم اَسکئکدئر کی، قاباغیمدا دَلی‌لئک اتمک اوچون بونو دا گتئردئنئز؟ مگر بله آدام گرک منئم اِوئمه گلسئن؟»

← Chapter 20 Chapter 22 →