1 Samuel 18

azerbaijan-2013

1داوود شاعوللا صؤحبتئنی قورتارمیشدی کی، یوناتانین قلبی داوودون قلبئنه باغلاندی و یوناتان اونو اؤز جانی کئمی سِودی.

2شاعول او گون داوودو اؤز یانیندا ساخلاییب ائجازه ورمه‌دی کی، آتاسینین اِوئنه قاییتسین.

3یوناتان داوودلا عهد باغلادی، چونکی اونو اؤز جانی کئمی سِوئردی.

4یوناتان جوبّه‌سئنی اَینئندن چیخاردیب قیلینج، اوخ-کامان و کمرئنی ائله برابر داوودا وردی.

5بله‌جه داوود شاعولون گؤندَردئیی هر یره گدئردی و او اوغور قازانیردی. شاعول داوودو دؤیوشچولرئنئن باشچیسی اتدی و بو هم خالقین، هم ده شاعولون اعیانلارینین گؤزونه خوش گؤروندو.

6داوود فئلئسطلی گولیاتی اؤلدوروب قاییداندا، عسگرلر گری گلرکن، ائسرایئلئن بوتون شهرلرئندن آروادلار دفلر و جوربه‌جور موسئقی آلَتلرله شَنلئک ماهنیسی اوخویاراق و اوینایاراق چیخیردیلار کی، شاعول پادشاهی پئشواز اتسئنلر.

7آروادلار اویناییب بله ماهنی اوخویوردولار: «شاعول قیردی مئنلری، داوود اون مئنلری.»

8شاعول بوندان چوخ قضبلَندی، چونکی بو سؤز اونون خوشونا گلمه‌دی و ددی: «داوود اوچون اون مئنلری، منئم اوچون آنجاق مئنلری دیئرلر. آیری داها نه وار، تَکجه پادشاهلیق قالدی کی، اونا ورئلسئن؟»

9او گوندن سونرا شاعول داووددان شوبهه‌لَندی.

10او گونون صاباحی تارینین طرفئندن شر روح شاعولون اوستونه قووّتله گلدی و او، اِوئنئن اورتاسیندا دَلی حالینا دوشدو. داوود دا هر گون اتدئیی کئمی، گئنه ده اَلئنده چنگ چالیردی. شاعولون اَلئنده بئر نئزه وار ائدی.

11شاعول «داوودو بو نئزه ائله دووارا یاپیشدیریم» دوشونوب، نئزه‌نی آتدی. لاکئن داوود اونون قاباغیندان ائکی دفه کنارا چکئلدی.

12شاعول داووددان قورخدو، چونکی رب داوودلا ائدی و شاعولدان آیریلمیشدی.

13اونا گؤره ده شاعول اونو اؤز یانیندان اوزاقلاشدیریب مئنباشی اتدی و داوود خالقی دؤیوشه آپاریب-گتئرمیه باشلادی.

14داوود بوتون یوروشلرئنده اوغور قازانیردی، چونکی رب اونونلا ائدی.

15شاعول داوودون بؤیوک اوغورلار قازاندیغینی گؤرنده داها دا قورخدو.

16آمّا بوتون ائسرایئل و یهودا خالقی داوودو سِوئردئلر، چونکی اونلاری دؤیوشلره آپاریب-گتئرئردی.

17او واخت شاعول داوودا ددی: «باخ، بودور بؤیوک قیزیم مِرَب، اونو سنه اَره وره‌جیم. آنجاق سن منئم خاطئرئم اوچون جسور اول و ربّئن دؤیوشلرئنی آپار.» چونکی بله دوشوندو: «قوی منئم اَلئم یوخ، فئلئسطلی‌لرئن اَلی اونون ضئدّئنه اولسون.»

18داوود شاعولا ددی: «مگر من کئمَم کی؟ جانیمین نه دَیَری وار؟ یا دا ائسرایئلده آتامین نسلی کئمدئر کی، پادشاها کوره‌کَن اولوم؟»

19لاکئن شاعولون قیزی مِرَب، داوودا ورئله‌جیی واخت، مِخولالی عَدری‌اِله اَره ورئلدی.

20شاعولون او بئری قیزی مئکَل داوودا وورولموشدو. بو خبری شاعولا چاتدیردیلار و بو اونون گؤزونده خوش گؤروندو.

21شاعول دوشوندو: «داوودا مئکَلی ورئم کی، بو اونا بئر تله اولسون. قوی فئلئسطلی‌لرئن اَلی داوودون ضئدّئنه اولسون.» اونا گؤره ده داوودا ددی: «بو گون منه کوره‌کن اولماغا گئنه فورصتئن وار.»

22سونرا اعیانلارینا امر اتدی: «داوودا گئزلئجه دیئن: ”باخ پادشاهین سندن خوشو گلئر و بوتون اعیانلاری دا سنی سِوئر؛ گل ائندی پادشاها سن کوره‌کَن اول.“»

23شاعولون اعیانلاری بو سؤزلری داوودا اشئتدئرَنده، او ددی: «مگر پادشاها کوره‌کن اولماق سئزئن گؤزونوزه کئچئک گلئر، هم ده من کی، کاسیب و اَهَمئیّتسئز بئر آدامام؟»

24شاعولون اعیانلاری داوودون ددئکلرئنی شاعولا خبر وردئلر.

25او واخت شاعول ددی: «داوودا دئیَرسئنئز: ”پادشاه سندن باشلیق پولو ائسته‌مئر. آنجاق پادشاهین دوشمنلرئندن قئصاص آلماق اوچون یوز فئلئسطلی‌نئن ختنه دَرئسئنی ائسته‌یئر.“» شاعول بونو قوراشدیرمیشدی کی، داوودو فئلئسطلی‌لرئن اَلی ائله هلاک اتسئن.

26شاعولون اعیانلاری بو سؤزلری داوودا چاتدیردیلار و پادشاهین کوره‌کنی اولماق اونون گؤزونده خوش گؤروندو. تعیئن اولونان گونلر حله باشا چاتمامیش،

27داوود قالخیب آداملاری ائله گتدی و فئلئسطلی‌لردن ائکی یوز کئشئنی اؤلدوردو. پادشاهین کوره‌کنی اولماق اوچون داوود اونلارین ختنه دَرئلرئنی گتئردی و اونلاری تام سایدا پادشاها وردئلر. شاعول قیزی مئکَلی داوودا اَره وردی.

28شاعول ربّئن داوودلا اولدوغونو، قیزی مئکَل ده داوودو سِودئیئنی گؤرنده

29داووددان داها دا قورخدو. و عؤمرونون آخیرینا قدر اونا دوشمن اولدو.

30فئلئسطلی‌لرئن باشچیلاری دؤیوشه چیخیردیلار. اونلار هر دفه دؤیوشه چیخاندا، داوود شاعولون اعیانلارینین هامیسیندان داها چوخ باشاریلی اولوردو. بونا گؤره ده اونون آدی چوخ شؤهرَتلَنمئشدی.

← Chapter 17 Chapter 19 →