1 Samuel 11

azerbaijan-2013

1عَمّونلو ناخاش گلئب یابِش‌گئلعادی موحاصئره‌یه آلدی. بوتون یابِش اهالئسی ناخاشا ددئلر: «بئزئمله عهد باغلا، بئز ده سنه قوللوق اده‌رئک.»

2آمّا عَمّونلو ناخاش اونلارا ددی: «بو شرطله سئزئنله باغلایارام کی، هر بئرئنئزئن صاغ گؤزونو چیخاردیب بوتون ائسرایئلی روسوای اِدئم.»

3یابِش آغساقّاللاری اونا ددئلر: «بئزه یدّی گون مؤهلت ور کی، ائسرایئلئن بوتون اراضئسئنه قاصئدلر گؤندَ‌رَک و اگر بئزی خئلاص ادن بئری اولماسا، سنه تسلئم اولاریق.»

4قاصئدلر شاعولون گئبعا شهرئنه گلدئلر و خالق آراسیندا بو سؤزلری جار چکدئلر. بوتون خالق دا شئون ادئب آغلادی.

5بو واخت شاعول اؤکوزلرئن دالیسیجا زمئدن گلئردی. او ددی: «خالقا نه اولوب کی، آغلاییر؟» اونا یابِشلی‌لرئن سؤزونو چاتدیردیلار.

6همئن سؤزلری اشئدن زامان تارینین روحو شاعولون اوستونه قووّتله اِندی، قضبدن اود توتوب یاندی.

7او، بئر جوت اؤکوزونو گؤتوروب پارچا-پارچا دوغرادی و اونلاری قاصئدلرئن اَلی ائله بوتون ائسرایئل اراضئسئنه گؤندَ‌رئب ددی: «کئم شاعولون و سمویئلئن دالینجا گتمه‌سه، اؤکوزلرئنئن باشینا بو گله‌جک.» خالقین آراسینا ربّئن قورخوسو دوشدو و هامی بئر نفر کئمی یولا چیخدی.

8شاعول اونلاری بِزِقده سایدی: ائسرایئل اؤولادلاری اوچ یوز مئن و یهودا آداملاری دا اوتوز مئن نفر اولدو.

9گلن قاصئدلره ددئلر: «یابِش گئلعادلی‌لارا بله دئیَرسئنئز: ”صاباح گون قیزینجا سئزه قورتولوش اولاجاق.“» قاصئدلر گدئب بونو یابِشلی‌لره بئلدئردئلر و اونلار دا سِوئندئلر.

10یابِشلی‌لر عَمّونلولارا ددئلر: «صاباح تسلئم اولاجاغیق و بئزئمله گؤزونوزده خوش گؤرونَن کئمی رفتار ادئن.»

11صاباحیسی شاعول خالقی اوچ قئسمته بؤلدو و سحر کشئک نؤوبتئنده دوشمنئن اوردوگاهینین ائچئنه گئرئب، گون قیزانا قدر عَمّونلولاری قیردیلار. قالانلار دا اله داغیلدیلار کی، اونلاردان ائکی نفر بئر یرده قالمادی.

12خالق سمویئله ددی: «کئملردئر او آداملار کی، دِمئشدئلر ”مگر شاعول اوستوموزده پادشاه اولاجاق؟“ او آداملاری ورئن، اؤلدورَک.»

13لاکئن شاعول ددی: «بو گون هچ کس اؤلدورولمَیه‌جک، چونکی رب بو گون ائسرایئله قورتولوش ورئب.»

14سمویئل خالقا ددی: «گلئن گئلگالا گِدَک و اورادا پادشاهلیغی تزه‌دن تصدئق اِدَک.»

15بله‌جه بوتون خالق گئلگالا گتدی. اورادا، گئلگالدا شاعولو ربّئن حوضوروندا پادشاه اتدئلر. ربّئن حوضوروندا باریش قوربانلاری دا کَسدئلر. بوتون ائسرایئللی‌لر شاعوللا بئرلئکده بؤیوک بایرام اتدئلر.

← Chapter 10 Chapter 12 →