1 Kings 18 — azerbaijan-2013

4ائزِبِل ربّئن پیغمبرلرئنی قیران زامان، عوبَدیا پیغمبرلردن یوز نفری آپاریب اونلاری اَلّی-اَلّی ماغارادا گئزلَتمئشدی، چؤرک و سو ائله ده تأمئن اتمئشدی.)

5اَخاب عوبَدیایا ددی: «اؤلکه‌ده اولان بوتون سو بولاقلارینا و دره‌لره گت. بلکه اوت تاپدیق، آتلاری و قاطیرلاری سالامات ساخلادیق، و حیوانلارین بئر آزینی اؤلدورمه‌یه ده مجبور اولمادیق.»

6اونلار اؤلکه‌نی آرالاریندا بؤلدولر کی، هر طرفی آختارسینلار. اَخاب آیریجا، بئر یوللا، عوبَدیا دا آیریجا، آیری بئر یوللا گتدی.

7عوبَدیا یولدا ائکَن، ائلیا اونا راست گلدی. او، ائلیانی تانیدی و اوزو اوسته یره دوشوب ددی: «آغام ائلیا، آیا بو، سن اؤزونسن؟»

8ائلیا ددی: «منم. گت، آغانا دِه کی، ائلیا بورادادیر.»

9او ددی: «نه گوناه اتمئشم کی، من قولونو اؤلدورمک اوچون اَخابین اَلئنه ورئرسن؟

10وار اولان تارین ربّه آند اولسون کی، آغام سنی آختارماغا آدام گؤندَ‌رمه‌دئیی بئر مئلّت، یا دا بئر مملکت قالماییب. اونلار ”او بورادا دیئل“ ددئکلری واخت، همئن پادشاهلیغا و مئلّته سنی تاپمادیقلارینا آند ائچدئردی.

11و ائندی سن دیئرسن: ”گت، آغانا دِه کی، ائلیا بورادادیر.“

12سنئن یانیندان گتدئیئم واخت، ربّئن روحو سنی بئلمه‌دئیئم بئر یره آپاراجاق. من ده گدئب اَخابا بئلدئرَنده، او سنی تاپمایاجاق و منی اؤلدوره‌جک. هر چند بو قولون من، جاوانلیغیمدان بَری، ربدن قورخورام.

13ائزِبِل ربّئن پیغمبرلرئنی قیران زامان، مگر منئم اتدئیئم ائش آغاما بئلدئرئلمه‌دی؟ من اوندا ربّئن پیغمبرلرئندن یوز نفری اَلّی-اَلّی ماغارادا گئزلَتدئم و اونلاری چؤرک و سو ائله تأمئن اتدئم.

14و ائندی سن دیئرسن: ”گت، آغانا دِه کی، ائلیا بورادادیر.“ او منی اؤلدورَر.»

15ائلیا ددی: «حوضوروندا دوردوغوم وار اولان قوشونلارین ربّئنه آند اولسون کی، بو گون دوغرودان دا اؤزومو اونا گؤرسده‌جیم.»

16عوبَدیا اَخابین پئشوازینا چیخدی و اونا هر شیی ددی. اَخاب دا ائلیانین گؤروشویونه گلدی.

17اَخاب ائلیانی گؤرنده اوندان سوروشدو: «آیا بو، سن اؤزونسن، ای ائسرایئلی دَرده سالان آدام؟»

18او جاواب وردی: «ائسرایئلی من یوخ، سن و آتانین اِوی دَرده سالیبسینیز. سئز ربّئن امرلرئندن دؤنوب بَعَل بوتلرئنئن دالینجا گدئبسئنئز.

19ائندی بوتون ائسرایئللی‌لری منئم اوچون کَرمِل داغینا چاغیرتدیر، اونلارلا ائزِبِلئن سوفره‌سئنده یمک یئیَن دؤرد یوز اَلّی بَعَل پیغمبرئنی و دؤرد یوز ائلاهه اَشِرا پیغمبرئنی ده ییغ.»

20اَخاب بوتون ائسرایئل اؤولادلارینا خبر گؤندَ‌رئب، اونلاری پیغمبرلرله بئرلئکده کَرمِل داغینا چاغیرتدیردی.

21ائلیا بوتون خالقین یانینا گلئب ددی: «داها نه واختا قدر ائکی طرف آراسیندا لَنگه‌یه‌جکسئنئز؟ اگر رب تاریدیر، اونا پِیرَو اولون، یوخ، اگر بَعَل تاریدیر، اوندا اونون دالینجا گدئن.» خالق اونون سؤزونه جاواب ورمه‌دی.

22او واخت ائلیا خالقا ددی: «ربّئن پیغمبرلرئندن تَکجه من قالمیشام. آمّا بَعَلئن پیغمبرلری دؤرد یوز اَلّی نفردئرلر.

23ائندی قوی بئزه ائکی اؤکوز ورئلسئن: قوی اونلار اؤزلری اوچون بئر اؤکوز سچسئنلر، اونو دوغراییب اودونلارین اوستونه قویسونلار، لاکئن اود وورماسینلار. من ده آیری اؤکوزو حاضیرلاییب، اونو اودونلارین اوستونه قویاجاغام، آنجاق اود وورمایاجاغام.

24سئز اؤز آللاهینیزین آدینی چاغیرین، من ده ربّئن آدینی چاغیراجاغام؛ او تاری کی، اودلا جاواب ورسه، تاری اودور.» بوتون خالق جاواب ورئب ددی: «یاخشی سؤزدور.»

25ائلیا بَعَل پیغمبرلرئنه ددی: «بئر اؤکوزو اؤزونوز اوچون سچئن و مندن اوّل اونو حاضیرلایین، چونکی سئز چوخسونوز. سئز اؤز آللاهینیزین آدینی چاغیرین، لاکئن اود وورمایین.»

26اونلار اؤزلرئنه ورئلَن اؤکوزو گؤتوروب حاضیرلادیلار و سحردن گون-‌اورتایا قدر بَعَلئن آدینی چاغیریب دیئردئلر: «ای بَعَل، بئزه جاواب ور!» آمّا هچ سَس-سوراق یوخ ائدی. اونلار دوزَلتدئکلری قوربانگاهین اطرافیندا آتیلیب دوشدولر.

27گون اورتا اولاندا ائلیا اونلاری لاغا قویوب ددی: «اونو اوجا سَسله چاغیرین. چونکی او بئر آللاهدیر؛ یا فئکئره گدئب، یا دا آیاق‌یولوندادیر، بلکه ده سفره چیخمیش؟ مومکوندور یاتمیش اولسون و اونو اویاتماق لازیمدیر.»

28اونلار اوجا سَسله چاغیردیلار و روسوملارینا گؤره بدنلرئندن قان آخانا قدر قیلینج و نئزه‌لرله اؤزلرئنی یارالادیلار.

29گون اورتا کِچئنجه، آخشام قوربانی تقدئم اولونان واختا قدر جوشوب دَلی‌لئک اتدئلر، آمّا نه بئر سَس-سوراق، نه ده بئر قولاق آسان وار ائدی.

30او واخت ائلیا بوتون خالقا ددی: «منئم یانیما گلئن.» بوتون خالق اونون یانینا گلدی. او، ربّئن داغیدیلمیش قوربانگاهینی تعمئر اتدی.

31ائلیا یعقوب اوغوللاری قبئله‌لرئنئن سایینا گؤره اون ائکی داش گؤتوردو، چونکی یعقوبا ربّئن سؤزو نازئل اولوب دمئشدی: «سنئن آدین ائسرایئل اولاجاق.»

32ائلیا داشلارلا ربّئن آدینا بئر قوربانگاه تئکدی. او، قوربانگاهین اطرافیندا ائکی اؤلچو توخوم توتاجاق قدر بئر خندق دوزَلتدی.

33سونرا اودونلاری دوزدو، اؤکوزو دوغراییب اودونلارین اوستونه قویدو و ددی: «اونو دؤرد سَهَنگ سو ائله دولدورون. سویو یاندیرما قوربانینین و اودونلارین اوستونه تؤکون.»

34سونرا او ددی: «ائکئنجی دفه ادئن.» اونلار ائکئنجی دفه اتدئلر. او ددی: «اوچونجو دفه ادئن.» اونلار اوچونجو دفه اتدئلر.

35سو قوربانگاهین اطرافینا آخدی و خندق ده سو ائله دولدو.

36آخشام قوربانی تقدئم ادئلَن واخت، ائلیا پیغمبر یاخین گلئب ددی: «ای ائبراهئمئن، ائسحاقین و ائسرایئلئن تاریسی رب! قوی بو گون بئلئنسئن کی، ائسرایئلده سن تاریسان و من سنئن قولونام، بوتون بو ائشلری ده سنئن سؤزونله اتدئم.

37منه جاواب ور، یارب، منه جاواب ور. قوی بو خالق بئلسئن کی، سن تاریسان، یارب. و اونلارین اوره‌یئنی اؤزونه طرف دؤندَرئبسن.»

38او واخت ربّئن اودو نازئل اولدو و یاندیرما قوربانینی، اودونلاری، داشلاری، و تورپاغی یاندیریب یاخدی و خندقده اولان سویو قوروتدو.

39بوتون خالق بونو گؤرنده اوزو اوسته دوشوب ددئلر: «رب تاریدیر! رب تاریدیر!»

40او واخت ائلیا اونلارا ددی: «بَعَل پیغمبرلرئنی توتون، قویمایین اونلاردان بئر نفر ده قاچسین.» اونلاری توتدولار. ائلیا اونلاری قئشون دره‌سئنه اِندئرئب اورادا اؤلدوردو.

41ائلیا اَخابا ددی: «گت، یِیئب-ائچ، چونکی گوجلو یاغیشین سَسی گلئر.»

42اَخاب یِیئب-ائچمه‌یه گتدی. لاکئن ائلیا کَرمِل داغینین تپه‌سئنه چیخدی؛ یره اَیئلئب اوزونو دئزلری آراسینا قویدو.

43نؤکرئنه ددی: «ائندی چیخ و دهنز طرفئنه باخ.» نؤکر قالخدی و دئقّتله باخیب ددی: «بئر شی یوخدور.» ائلیا یدّی دفه اونا «گئنه گت» ددی.

44یدّئنجی دفه گدنده نؤکر ددی: «باخ، دهنزدن ائنسان اووجو بویدا کئچئک بئر بولود چیخیر.» ائلیا ددی: «گت، اَخابا دِه: ”عارابانی قوشوب آشاغی اِن کی، یاغیش سنه مانع اولماسین.“»

45بئر آز کچمه‌مئشدی کی، گؤیلر بولودلارلا قارالدی، کولَک اَسدی و گوجلو یاغیش، یاغماغا باشلادی. اَخاب عارابایا مئنئب یئزرِعِله گتدی.

46ائلیایا ربّئن قووّتی گلدی و او، کمرئنی باغلاییب اَخابین قاباغیندا یئزرِعِله گئره‌جیئنه قدر قاچدی.