1 Corinthians 6

azerbaijan-2013

1سئزلردن بئرئنئن او بئرئسی ائله داعواسی اولاندا، نجه جسارت اده بئلر کی، مسله‌نی موقدّسلرئن حوضورونا یوخ، ائمانسیزلارین محکمه‌سئنه آپارسین؟

2و یا مگر بئلمئرسئنئز کی، دونیانی موقدّسلر موحاکئمه اده‌جک؟ اگر دونیانی سئز موحاکئمه اده‌جکسئنئز، آیا قابئل دیئلسئنئز کی، لاپ کئچئک داعوالاردا حؤکم اده‌سئنئز؟

3مگر بئلمئرسئنئز کی، بئز، ملکلری موحاکئمه اده‌جه‌یئک، بس نه قدر چوخ، بو دونیانین مسله‌لرئنی؟!

4بس اگر بو حیاتین مسله‌لری حاقّیندا داعوالارینیز وار، آیا او آداملاری قاضی تعیئن ادئرسئنئز کی، کئلئسادا لاپ اهمئیّتسئز ساییلیر؟

5بونلاری دیئرم کی، اوتاناسینیز. مگر آرانیزدا، بئر نفر ده اولسون، حئکمتلی آدام یوخدور کی، اؤز قارداشلاری آراسیندا قاضی اولسون؟

6آمّا قارداش قارداشی محکمه‌یه آپاریر، اؤزو ده کی، ائمانسیزلارین حوضورونا!

7اصلئنده آرانیزدا داعوالارین اولماسی، سئزئن اوچون بئر شئکستدئر. حاقسیزلیغا دؤزه‌سئنئز، داها یاخشی اولماز؟ مغبون اولاسینیز، داها یاخشی اولماز؟

8عکسئنه، سئز اؤزونوز حاقسیزلیق ادئب، مغبون ادئرسئنئز، اؤزو ده اؤز قارداشینیزی!

9یوخسا بئلمئرسئنئز کی، صالح اولمایانلار تارینین پادشاهلیغینی مئراث آلمایاجاقلار. آلدانمایین؛ عئفّتسئزلر، بوتپرستلر، زئناکارلار، کئشئبازلار، اوشاقبازلار،

10اوغرولار، طاماحکارلار، عرقخورلار، سؤیَنلر و شیّادلار تارینین پادشاهلیغینی مئراث آلمایاجاقلار.

11سئزلردن بعضئلرئنئز ده بو جور ائدئنئز؛ لاکئن یویولدونوز، تقدئس اولوندونوز، ربّئمئز عئسا مسئحئن آدیندا و تاریمیزین موقدّس روحوندا صالح ساییلدینیز.

12هر شی منه جائزدئر، لاکئن هر شی فایدالی دیئل. هر شی منه جائزدئر، لاکئن قویمارام کی، هچ بئر شی منه حؤکمرانلیق اتسئن.

13یمک قارین اوچوندور، قارین دا یمک اوچون. لاکئن تاری اونلارین هر ائکئسئنی ده آرادان آپاراجاق. آمّا بدن عئفّتسئزلئک اوچون دیئل، رب اوچوندور و رب ده بدن اوچوندور.

14تاری فقط ربّی دئرئلتمه‌دی، قودرتی ائله بئزی ده دئرئلده‌جک.

15مگر بئلمئرسئنئز کی، بدنلرئنئز مسئحئن عوضولری‌دئر؟ ائندی مسئحئن عوضولرئنی گؤتوروب، فاحئشه‌نئن عوضولری ادئم؟ اصلا.

16مگر بئلمئرسئنئز کی، فاحئشه بئر آروادلا یاتان، اونونلا بئر بدن اولور؟ چونکی تاری دیئر: «ائکئسی بئر بدن اولاجاقلار.»

17لاکئن ربّه قوشولان، اونونلا بئر روحدور.

18جئنسی عئفّتسئزلئکدن قاچین. ائنسانین اتدئیی هر گوناه بدندن اشئکدئر. آمّا جئنسی عئفّتسئزلئک ادن بئر آدام اؤز بدنئنئن ضئدّئنه گوناه ادئر.

19و یا مگر بئلمئرسئنئز کی، تاریدان آلدیغینیز بدن، سئزده یاشایان موقدّس روحون معبدی‌دئر و سئز اؤزونوزونکو دیئلسئنئز؟!

20چونکی سئز چوخ باها بئر قئیمته آلینیبسینیز. اونا گؤره ده، تارینی بدنلرئنئزده عئزّتلندئرئن.

← Chapter 5 Chapter 7 →