1 Corinthians 15 — azerbaijan-2013

10لاکئن تارینین فیضی ائله هر نه‌یَم، اله اویام و اونون منه اولان فیضی عبث دیئلدی. آمّا من اونلارین هامیسیندان چوخ زحمت چکدئم. داها دوغروسو، من یوخ، تارینین منئمله اولان فیضی.

11بله‌جه، ائستر من اولسایدیم، ائستر اونلار، بئز بله وعظ ادئرئک، سئز ده بله ائمان گتئردئنئز.

12ائندی اگر مسئح حاقّیندا وعظ اولونور کی، او، اؤلولردن دئرئلدی، نجه بس سئزلردن بعضئلری دیئر کی، اؤلولردن دئرئلمه یوخدور؟

13آمّا اگر اؤلولردن دئرئلمه یوخدور، مسئح ده دئرئلمه‌یئب.

14و اگر مسئح دئرئلمه‌یئب، اوندا بئزئم وعظئمئز بوشدور، سئزئن ائمانینیز دا بوشدور.

15بوندان علاوه، بئز تاری حاقّیندا یالانچی شاهئد ده اولوروق، چونکی تارینین باره‌سئنده شهادت وردئک کی، او، مسئحی اؤلولردن دئرئلتدی. حال بو کی، اگر اؤلولر دئرئلمئرلر، تاری اونو دا دئرئلتمه‌یئب.

16چونکی اگر اؤلولر دئرئلمئرلر، مسئح ده دئرئلمه‌یئب.

17و اگر مسئح دئرئلمه‌یئب، دمه‌لی ائمانینیز دَیَرسئزدئر؛ سئز حله ده اؤز گوناهلارینیزین ائچئنده‌سئنئز.

18اوندا مسئحده گؤزلرئنی حیاتا یومانلار دا هلاک اولوبلار.

19اگر مسئحده اولان اومئدئمئز آنجاق بو حیات اوچوندور، بئز هامی آداملاردان داها چوخ یازیغیق.

20آمّا ائندی مسئح اؤلولردن دئرئلئب و گؤزلرئنی حیاتا یومانلارین نؤوبری اولوب.

21چونکی نجه اؤلوم بئر ائنسان واسئطه‌‌سی‌ائله گلدی، اؤلولردن دئرئلمه ده بئر ائنسان واسئطه‌‌سی‌ائله گلدی.

22نجه کی، آدمده هامی اؤلور، مسئحده ده هامی دئرئلر.

23لاکئن هر کس اؤز نؤوبه‌سی ائله؛ اوّل مسئح، سونرا دا اونون گلئشئنده مسئحئنکی اولانلار.

24اوندان سونرا دا آخیر زامان اولور، او واخت مسئح پادشاهلیغی آتا تارییا تسلئم ادئر و هر ریاست، ائقتئدار و قودرتی آرادان آپاریر.

25چونکی او، گرک سلطنت اتسئن، او زاماناجاق کی، تاری اونون بوتون دوشمنلرئنی اونون آیاغی آلتینا قویوب.

26یوخ اِدئله‌جک آخیرینجی دوشمن ده اؤلومدور.

27چونکی هر شیی اونون آیاقلاری آلتیندا تابع اتدی. لاکئن او زامان کی، دیئر: «هر شی اونا تابع قویولوب» ، آیدیندیر کی، هر شیی اونا تابع قویان موستثنادیر.

28هر شی اونا تابع قویولاندان سونرا، اوغولون اؤزو ده، هر شیی اونا تابع قویانا تابع اولاجاق کی، تاری هر شیده هر شی اولسون.

29یوخسا اؤلولر اوچون تعمئد آلانلار نه اده‌جکلر؟ اگر اؤلولر اصلا دئرئلمئرلر، اوندا اونلار اؤلولر اوچون نئیه تعمئد آلیرلار؟

30بئز نئیه هر ساعات خطرلره دوشوروک؟

31قارداشلار، مسئح عئسادا سئزئن باره‌نئز‌ده اولان فخرئمئن حاقّی اوچون هر گون اؤلورم.

32اگر ائنسانی نئیّتلر‌له اِفِسوسدا وحشی حیوانلارلا ساواشدیم، بونون منه نه خیئری وار؟ اگر اؤلولر دئرئلمئرلر، «گلئن یئیک و ائچک، چونکی صاباح اؤله‌جه‌یئک.»

33آلدانمایین؛ «پئس یولداش یاخشی اخلاقی پوزار.»

34نجه لازیمدیر، آییلین و گوناه اتمه‌یئن. اوتانماغینیز اوچون دیئم کی، سئزلردن بعضئلری تارینی هچ تانیمیر.

35آمّا بئری دئیر: «اؤلولر نجه دئرئلئرلر؟ و نه جور بدنله گلئرلر؟»

36ای عاغیلسیز! سنئن سپدئیئن اؤلمه‌سه، دئرئلمز.

37و سپنده، حاصئل اولاجاق بدنی سپمئرسن، آنجاق لوت توخومو، ائستر بوغدا اولسون، ائستر اؤزگه بئر شی.

38آمّا تاری او توخوما ائسته‌دئیی کئمی بدن ورئر؛ هر بئر توخوما اؤزونه مخصوص اولان بئر بدن ورئر.

39بوتون جئسملر ده بئر جور دیئللر. ائنسانلارین جئسمی علاحئدّه، حیوانلارین جئسمی علاحئدّه، قوشلارین جئسمی علاحئدّه، بالیقلارین جئسمی علاحئدّه.

40سماوی بدنلر و دونیه‌وی بدنلر ده وار. آمّا سماوئلرئن شؤوکتی علاحئدّه، دونیه‌وئلرئنکی ده علاحئدّه.

41گونون شؤوکتی علاحئدّه، آیین شؤوکتی علاحئدّه، اولدوزلارین شؤوکتی علاحئدّه‌دئر؛ چونکی اولدوز دا اولدوزدان شؤوکتئنه گؤره فرقله‌نئر.

42اؤلولرئن دئرئلمه‌سی ده بله‌دئر؛ فانئلئکده اکئلئر، قیری‌‌فانئلئکده دئرئلئر.

43ذئلّتده اکئلئر، عئزّتده دئرئلئر. ضعئفلئکده اکئلئر، قودرتده دئرئلئر.

44طبئعی بئر بدن اکئلئر، روحانی بئر بدن دئرئلئر. اگر طبئعی بئر بدن وار، روحانی بئر بدن ده وار.

45بله ده یازیلیب کی؛ «ائلک ائنسان اولان آدم یاشایان بئر جان اولدو.» آخیرینجی آدم حیات ورن روح اولدو.

46لاکئن روحانی اوّلئنجی دیئل، طبئعی اوّلئنجی‌دئر، سونرا روحانی.

47ائلک ائنسان یردن‌دئر، تورپاقدان‌دیر. آمّا ائکئنجی ائنسان گؤیدندئر.

48تورپاقدان اولان نجه‌دئر، تورپاقدان اولانلار دا اِله‌دئرلر. گؤیدن اولان نجه دئر، گؤیدن اولانلار دا اِله‌دئرلر.

49و بئز تورپاقدان حاصئل اولموش صورتی نجه گزدئرئرئک، گؤیدن اولانین دا صورتئنی اِله گزدئره‌جه‌یئک.

50ائندی قارداشلار، سئزه بونو دیئم کی، جئسم و قان تارینین پادشاهلیغینی مئراث آلا بئلمز؛ فانی اولان دا قیری‌فانی اولانی مئراث آلا بئلمز.

51باخین، سئزه بئر سئرّ دیئرم، هامیمیز گؤزلرئمئزی حیاتا یوممایاجاغیق، آمّا هامیمیز دیئشئله‌جه‌یئک؛

52بئر آن ائچئنده، بئر گؤز قیرپیمیندا، آخیر شیپور چالیناندا. چونکی شیپور چالیناجاق و اؤلولر قیری‌‌‌فانی شکئلده دئرئله‌جکلر و بئز دیئشئله‌جه‌یئک.

53چونکی بو چورویَن گرک چورولمه‌ینی گیسئن و بو فانی گرک قیری‌‌‌فانئلئیی گیسئن.

54بو چورویَن چورولمه‌یئنی گئیَن واختدا و بو فانی قیری‌‌فانئلئیی گئیَن زاماندا او یازی یرئنه یتئشه‌جک کی، «اؤلوم ظفرده اودولدو!

55ای اؤلوم، هانی سنئن ظفرئن؟ ای اؤلوم، هانی سنئن سانجماغین؟»

56اؤلومون سانجماغی گوناه و گوناهین قودرتی شرئعتدئر.

57لاکئن تارییا شوکور اولسون کی، ربّئمئز عئسا مسئحئن واسئطه‌سی‌ائله بئزه ظفر ورئر

58اونا گؤره سوگئلی قارداشلاریم، مؤحکم و ثابئت دورون و هر زامان ربّئن ائشئنده جوشون و بئلئن کی، ربّئن یولوندا چکدئیئنئز زحمت عبث دیئلدئر.