1 Corinthians 14

azerbaijan-2013

1محبّتئن دالینجا قاچین، لاکئن روحانی عطالاری دا قیرتله ائسته‌یئن، خوصوصَن نبئلئک عطاسینی.

2چونکی کئم یاد بئر دئلده دانیشیر، آداملارا یوخ، تارییا دانیشیر. چونکی اونو هچ کئم باشا دوشمور. او، روحدا سئرّلر دانیشیر.

3آمّا نبئلئک ادن، آداملارا بئنا، تشوئق و تسلّی اوچون دانیشیر.

4یاد دئلده دانیشان آدام اؤزونو بئنا ادئر، آمّا نبئلئک ادن آدام کئلئسانی بئنا ادئر.

5آرزو ادئرم کی، سئز هامینیز دئللرده دانیشاسینیز، عَلَلخوصوص بو کی، نبئلئک اِده‌سئنئز. چونکی نبی، یاد دئللرده دانیشاندان افضلدئر، مگر ترجومه اتسئن کی، کئلئسا بئنا اولسون.

6ائندی قارداشلار، اگر من سئزئن یانینیزا گلئب یاد دئللرده دانیشماغا باشلاسام، سئزه نه فایدا یتئره‌رم، اگر وحی، معرئفت، نبئلئک، یا دا تعلئم واسئطه‌سی‌ائله دانیشماسام؟!

7سَس ورن جانسیز شیلر، ائستر توتَک اولسون ائستر چنگ، اگر فرقلی سسلر چیخارتماسالار، توتَک و یا چنگله نه چالیندیغینی کئم بئلر؟!

8اگر شیپور قیری‌‌موعیّن سَس چیخارتسا، دؤیوشه کئم حاضیرلاشار؟

9اِله‌جه ده سئز اگر دئلئنئز‌له باشا دوشولمه‌ین سؤزلر دانیشاسینیز، سئزئن نه ددئیئنئز نجه بئلئنر؟ اله بئل کی، هاوا ائله دانیشیبسینیز.

10شوبهه‌سئز کی، دونیادا بئر چوخ موختلئف دئللر وار و اونلاردان هچ بئری معناسیز دیئل.

11بله‌جه اگر دئلئن معناسینی بئلمه‌سم، من دانیشان اوچون اجنبی اولورام، دانیشان دا منئم اوچون اجنبی اولور.

12اله‌جه ده سئز، مادام کی، روحانی عطالاری قیرتله ائسته‌یئرسئنئز، کئلئسانی بئنا ادن عطالاردا وارلی اولماغینیزی ائسته‌یئن.

13بونا گؤره ده، یاد دئلده دانیشان آدام، ترجومه عطاسی اوچون دوعا اتسئن.

14چونکی اگر من یاد بئر دئلده دوعا ادئرم، روحوم دوعا ادئر، لاکئن عاغلیم بهره‌سئز قالیر.

15بس نه اِتمه‌لی‌یم؟ هم روحلا دوعا اده‌جه‌یم، هم ده عقلله. هم روحلا ائلاهی نغمه اوخویاجاغام، هم ده عقلله.

16یوخسا اگر سن روحلا برکت ورئرسن، روحانی بئر عطاسی اولمایان آدام نجه سنئن شوکورلرئنه «آمئن» دئیه بئلر؟ چونکی سنئن ددئکلرئنی باشا دوشمور.

17البتّه سن یاخشی شوکور ادئرسن، آمّا بوندان، باشقا بئر آدام بئنا اولمور.

18تارییا شوکور ادئرم کی، من سئزئن هامینیزدان چوخ دئللرده دانیشیرام.

19آمّا کئلئسادا یاد بئر دئلده اون مئن سؤز دانیشماقدان، داها چوخ بونا جان آتیرام کی، عاغلیملا بش سؤز دانیشیم و اؤزگه‌لره تعلئم ورئم.

20قارداشلار، عقلن اوشاق اولمایین. پئسلئکده اوشاق اولون، لاکئن عقلن بویو-باشلی!

21شرئعتده یازیلیب: رب دیئر: «اجنبئلرئن دئللری ائله، یادلارین دوداقلاری ائله بو خالقلا دانیشاجاغام، آمّا او زامان دا منه قولاق آسمایاجاقلار.»

22بله‌جه دئللر ائمان گتئرنلر اوچون یوخ، ائمانسیزلار اوچون بئر علامتدئر. لاکئن نبئلئک ائمانسیزلار اوچون یوخ، ائمانلی‌لار اوچوندور.

23اگر بوتون کئلئسا بئر یره ییغیلیب هامی یاد دئللرده دانیشسالار، و روحانی عطایا مالئک اولمایان یا دا ائمانسیز آداملار اورایا گئرسه‌لر، دِمزلر کی، سئز دَلی‌سئنئز؟!

24آمّا اگر هامی نبئلئک اتسه‌لر، و اورایا ائمانسیز بئر آدام، یا دا روحانی عطایا مالئک اولمایان بئری گئرسه، هامینین طرفئندن ائلزام اولوب هامییا جاوابگو قالار؛

25اوره‌یئنئن سئرّلری آشکار اولار و اوزو-اوسته دوشوب پرستئش اِدَر و اعلان اِدَر کی، تاری حقئقتن سئزئن آرانیزدادیر.

26بس ائندی نه، قارداشلار؟ بئر یره ییغیلدیغینیز زامان هر بئرئنئزئن بئر مزمورو، بئر تعلئمی، بئر وحیی، بئر یاد دئلی، بئر ترجومه‌سی وار، قویون هر شی بئنا اتمک اوچون اولسون.

27اگر کئمسه یاد بئر دئلده دانیشیر، ائکی یا دا لاپ چوخ اوچ آدام نؤوبه ائله دانیشسینلار، بئر نفر ده ترجومه اتسئن.

28آمّا اگر ترجومه‌چی یوخدور، قوی او آدام کئلئسادا ساکئت قالسین و آنجاق اؤزونه و تارییا دانیشسین.

29قوی ائکی یا دا اوچ پیغمبر دانیشسین و اؤزگه‌لر تفتئش اتسئنلر.

30آمّا اگر اوتورانلاردان بئرئنه بئر وحی گلئر، قوی ائلک دانیشان آدام ساکئت قالسین.

31چونکی سئز هامینیز، نؤوبه ائله نبئلئک اده‌بئلرسئنئز کی، هامی تعلئم آلسین و هامی تشوئق اولونسون.

32پیغمبرلرئن روحلاری دا پیغمبرلره تابع‌دئرلر.

33چونکی تاری قاریشیقلیق تاریسی یوخ، آراملیق تاریسی‌دیر، نجه کی، موقدّسلرئن بوتون کئلئساسیندا.

34آروادلار کئلئسالاردا سوکوت اتسئنلر. چونکی صؤحبت اتمک اونلارا قدغن‌دئر. اونلار شرئعتئن بویوردوغو کئمی تابع اولسونلار.

35اگر بئر شی اؤیرنمک ائسته‌یئرلر، قوی اِوده اؤز اَرلرئندن سوروشسونلار. چونکی آروادا کئلئسادا صؤحبت اتمک عاییبدیر.

36مگر تارینین کلامی سئزدن چیخیب یاییلدی؟ و یا مگر آنجاق سئزه چاتدی؟!

37اؤزونو پیغمبر و یا روحانی حساب ادن هر آدام آنلاسین کی، سئزه یازدیقلاریم ربّئن امرلری‌دئر.

38لاکئن کئم بونو نظره آلماسا، اؤزو ده نظره آلینماسین.

39بله‌جه، قارداشلاریم، نبئلئک اتمه‌یی قیرتله ائسته‌یئن و یاد دئللرده دانیشانلارا دا مانع اولمایین.

40لاکئن قویون هر شی موناسئب و ترتئبلی بئر شکئلده اولسون.

← Chapter 13 Chapter 15 →