Psalms 93

aymara-1997

1¡Tatitux reyiwa, reyi isimp isintatawa, Tatitux ch'aman kankañampi isthapitawa! Jupaw akapach sum thurt'ayi, jan unxtkir utt'ayi.

2Tatay, qunuñamax qalltatpach jan unxtkiriwa. ¡Jumasti wiñay jakirïtawa!

3Tatay, jawiranakax qhuthutiwa, jawiranakax mathapinak sartayi;

4Tatay, jumasti alaxpachanxa, ch'aman mathapinakat juk'amp ch'amanïtawa, lamar qutanakan uxinakapat jila ch'amanïtawa.

5Tatay, arsutanakamax jan unxtkiriwa. ¡Qullan kankañax utamar wiñay k'achachiriwa!

← Chapter 92 Chapter 94 →