Psalms 54

aymara-1997

1¡Diosaxay, sutim laykuy qhispiyasita! ¡Ch'amamampiy arxatasita!

2Diosaxay, mayisitaxarux ist'akimaya, arunakaxarux jaysakimaya,

3jach'a jach'a tukurinakaw nayatak sartasipxi, qhuru jaqinakaw jiwayañ munapxitu. ¡Janiw Diosar axsartañapax utjkiti!

4Nayatakisti Diosaw arxatirixaxa, Tatituw jakañ churirixaxa.

5Jupaw uñisirinakaxan ñanqha luratanakapxa, jupanak pachpar kutt'ayani. ¡Arsutam phuqhirïtam laykuy jupanakar t'unjam! Nayasti taqi chuymaw luqtäwi katuyäma, aski sutimar yuspagarasaw q'uchüma,

7jumaw taqi llakinakat waysusta, uñisirinakaxan aynacht'atap uñjayarakista.

← Chapter 53 Chapter 55 →