Psalms 43

aymara-1997

1Diosay, chiqapar uñjita; ¡qhuru jaqinakat arxatita! ¡K'ari, ñanqha lurir jaqit qhispiyasita,

2jumästaxay Diosaxasa, arxatirixasa! ¿Kunatarak jan ist'añ munistasti? ¿Kunatarak timaxan t'aqhisiyata, llakit sarnaqañaxasti wakisisti?

3Qhanamampi chiqa kankañamampiy apayanita, ukanakan thakhim nayar uñacht'ayañapataki, qullan qullumkam purki uka thakhi, utjäwimkam purki uka thakhi.

4Diosay, nayax altaramaruw jak'achasï, arpampi chikaw yuspagaräma, Diosaxay, jumaw jakañaxarux kusisiytaxa.

5¿Kunatarak chuym mayjt'ayasïsti? ¿Kunatarak llakthaptästi? Diosarukiw nayax suyt'ä, juparukiw yupaycharakï. ¡Jupaw Qhispiyirixaxa, Diosaxasa!

← Chapter 42 Chapter 44 →