Isaiah 4

aymara-1997

1Uka urunsti mä juk'a chachanakakiw qhiparxani, mä chachatsa paqallqu warminakaw waykasipxani, warminakasti uka chachanakarux sapxaniwa: “Nanakasti janiw juman uywatäñ munapkäti, nanakpachaw qullqinakaxampi isinak alasisax isisisipkä, jan p'inqachatäñatakikiwa, jumampi jaqichasiñ munapxta” sasa.

2Uka urux purinkani ukapachasti, jupanakax taqi kunan phuqt'ataw suman jakasxapxani. Markaxasti wali jach'ar tukt'asaw jakxani, kuna achunaktix uraqipax churkani taqi ukanakata. Khitinakatix Jerusalén markan qhiparapkani ukanakarusti, janiw taqinir mutuykäti, pachpa markan jakapxañapatakiw wakichä, ukatsti “Tatitun ajllit markapa” sas sutichatäpxaniwa.

4Kunapachatix nayax taripäwi arunakap arskä, markaxarus mutuykarakï, Jerusalén markan utjasirinakarux jaqinak jiwarayapxatapatxa pampacharakïwa.

5Ukat Sión qullun tantacht'at markaxarux imasï, urux mä qinayaw jupanakxarux imxattani, arumasti mä nina aqtatarakiw jupanakar imani. Taqi ukanakxarusti Tatitun qhanapakiw imxattani, ukhamat urunxa lupi qhanan jan qhathintatäpxañapataki, jallutsa, jach'a thayanakatsa jark'aqatäpxañapataki.

← Chapter 3 Chapter 5 →