Psalms 114

awadhi

1जब याकूब क घराना बिदेसियन क रास्ट्र मिस्र क तजेस।

2उ समइ यहूदा परमेस्सर क खास मनई बना, इस्राएल ओकर राज्ज बन गवा।

3लाल सागर ऍका लखेस, उ पराइ गवा। यरदन नदी उलटिके बह चली।

4पर्वत मेमनन क नाई नाच गएन। पहाड़ी भ़ेड़न क नाई नाचि गइन।

5हे लाल सागर, तू काहे पराइ गया? हे यरदन नदी, तू काहे उलटी बहिउ?

6हे पहाड़ो, काहे तू पचे भ़ेडन क नाई नाच्या? हे पहाड़ियो, तू पचे काहे मेमनन जइसी नाचिउ?

7हे धरती, यहोवा याकूब क परमेस्सर, सुआमी क समन्वा काँप।

8परमेस्सर ही चट्टानन क चीरिके जल क बाहेर बहाएस। परमेस्सर पक्की चट्टान स जल क झरना बहाए रहा।

← Chapter 113 Chapter 115 →