Psalms 113

awadhi

1यहोवा क स्तुति करा, हे यहोवा क सेवकन, ओकर स्तुति करा। यहोवा क नाउँ क बड़कई करा।

2यहोवा क नाउँ अबहुँ अउर सदा सदा बरे आसीसित होइ।

3मोर इ कामना अहइ, यहोवा क नाउँ क गुण पूरब स जहाँ सूरज उगत ह, पच्छिउँ तलक उ ठउरे मँ जहाँ सूरज बूड़त ह गावा जाइ।

4यहोवा सबहिं रास्ट्रन स महान अहइ। ओकर महिमा अकासे तलक उठति ह।

5यहोवा हमरे परमेस्सर क नाई कउनो भी मनई नाहीं अहइ जउन ऊँचाइ पइ विराजमान अहइ।

6भले ही उ सबइ बातन क जउन धरती अउर आकासे पइ घटत ह, लखइ बरे उ नीचे झुकिके निगाह डावइ ह।

7परमेस्सर गरीब मनइयन क धूरि स उठावत ह। उ ओनका क गन्दगी स निकारत ह।

8परमेस्सर ओनका महत्वपूर्ण बनावत ह। परमेस्सर ओन लोगन क महत्वपूर्ण मुखिया बनावत ह।

9कउनो मेहरारू बे औलाद होइ सकत ह, किन्तु परमेस्सर ओका बच्चा स आसीसित करी, अउर ओका खुस करी। यहोवा क गुणगान करा।

← Chapter 112 Chapter 114 →