Psalms 95

Amharic Tigrinya 2011

1ንዑ፡ ንእግዚኣብሄር ብሓጎስ ንዘምር፡

2ብምስጋና ኣብ ቅድማኡ ንብጻሕ፡ ብመዝሙር እልል ንበለሉ።

3እግዚኣብሄር ዓብዪ ኣምላኽ፡ ኣብ ልዕሊ ዂሎም ኣማልኽቲ ድማ ዓብዪ ንጉስ እዩ እሞ፡

4መዓሙቚ ምድሪ ኣብ ኢዱ፡ ምብራኽ ኣኽራን ከኣ ናቱ እዩ።

5ባሕሪ ናቱ እዩ፡ ንሱ ፈጠሮ፡ ንንቑጽ ምድሪውን ኣእዳው ገበራኦ።

6ንዑ፡ ፍግም ኢልና ንስገድ፡ ኣብ ቅድሚ እግዚኣብሄር፡ ፈጣሪና፡ ንንበከኽ።

7ንሱ ኣምላኽና እዩ፡ ንሕና ድማ ህዝቢ መጓሴኡ፡ ኢዱ እትኽብክበን ኣባጊዑ ኢና እሞ፡ ሎሚ ድምጹ እንተ ሰማዕኩም፡

8ከም ኣብ መሪባ፡ ከምቲ ብመዓልቲ ማሳ ኣብ በረኻ፡ ኣቦታትኩም ኪፍትኑኒ፡ ኪዕዘቡኒ ኸለዉ፡ ግብረይ ዝረአዩ ዄንኩም፡ ልብኹም ኣይተትርሩ።

9በቲ ወለዶ እቲ ኣርብዓ ዓመት ተመነወኒ፡ በገደይ ዘይፈለጡ፡ ብልቦም እተጋገዩ ህዝቢ እዮም፡ በልኩ።

10ስለዚ፡ ኣብ ዕረፈተይ ኣይኪአትዉን እዮም፡ ኢለ ብዂራይ መሐልኩ።

← Chapter 94 Chapter 96 →