Psalms 13

Amharic Tigrinya (መፅሓፍ ቅዱስ) No Year

1ኦ ጐይታ፥ ክሳዕ መኣዝ ኢኻ ፈፂምካ እትርስዐኒ? ክሳዕ መኣዝከ ኢኻ ኻባይ ገፅካ እትኽውል?

2ክሳዕ መኣዝ እየኸ ብነፍሰይ ዝጭነቕ? ክሳዕ መኣዝከ እየ ዅልሻዕ ዝሓዝን? ፀላእተይከ ኽሳዕ መኣዝ እዮም ኣብ ልዕለይ ዝዕበዩ?

3ፀላእተይ ስዒርናዮ ኸይብሉ፥ ኦ ኣምላኸይ፥ ተመልከተኒ ስምዐኒውን፤

4እቶም ዘጨንቑኒውን ብምንዋፀይ ደስ ከይብሎም፥ ናይ ሞት ድቃስ ከይድቅስ ነዒንተይ ኣብርሃየን።

5ኣነ ግና ብምሕረትካ እውከል ኣለኹ፤ ልበይውን ብምድሓንካ ይሕጐስ።

6ንዝረድአኒ እግዚኣብሄር፥ አመስግን ኣለኹ፤ ንስም ልዑል እግዚኣብሄርውን እዝምር ኣለኹ።

← Chapter 12 Chapter 14 →