Psalms 87

Amharic Gofa GFBLVF (Geeshsha Maxaafa)

1Godaa katamay, geeshsha deriya bolla keexetis.

2Goday Xiyoone pengeta, Yayqoobi de7iya hara bessatape aathidi dosees.

3Neno Xoossaa katamaw, ne gisho malaalsiyabata haysada yaagidi odis.

4“Tana eriya kawotethata giddofe, taani Raabanne Babiloone mazgabana. Filisxeemey, Xiroosinne Tophey, yan yeletidosona.”

5Xoossay Xiyoones, “Ya derey ha derey Xiyoonen yeletis; Ubbaafe Dhoqa Xoossay iyo minthana” yaagees.

6Goday asaa mazgaben xaafiya wode, “Haysi Xiyoonen yeletis” yaagana.

7Enti yexishenne durishe, “Nu anjo ubbay Xiyoonepe pultees” yaagana.

← Chapter 86 Chapter 88 →