Psalms 65

Amharic Gofa GFBLVF (Geeshsha Maxaafa)

1Abeeti Xoossaw, Xiyoonen new galati bessees; nuuni nu qangetha new gathana.

2Neeni woosa si7iya gisho, asa ubbay neeko yoosona.

3Nu nagaray nuna muukida wode, ne nuus atotethi immadasa.

4Ne dooridaysatinne ne dabaaban daana mela neeko shiishida asi anjetidaysa. Nuuni ne son, ne geeshsha dunkaaniyan de7iya lo77oban kalloos.

5Abeeti nu atotethaw, malaalsiya ne xillo oosuwan nuus zaara. Sa7aa gaxape gaxaa gakanaw, haahon de7iya ubbaas ne ufaysi.

6Neeni ne wolqan dereta minthadasa; ne wolqaa dancadasa.

7Neeni abba girsaanne beeta guntha si77i oothaasa; yarkiya asaa waasuwa irxisaasa.

8Ne oothida malaata gisho, sa7aa gaxaa gakanaw de7iya asa ubbay new yayyana; dolohape wuloha gakanaw de7iya asa ubbaa ufaysadasa.

9Ne ira immada biitta naagasa; daro dureyasa; asaas kathay dolana mela Xoossa shaafay haathan kumidaysa; hessada oothada ne giigisadasa.

10Goshshas haathe immaasa; biitta shugisada ollaa kunthaasa. Ne iran zaarada irxisaasa; kathay dolana diccana mela anjaasa.

11Laytha kalo laythi oothaasa; ne aadhiya bessa ubbay kumidi palahana.

12Hentha bessata maatan kunthaasa; zumata ufaysi mayzaasa.

13Ne hentha bessata dorsata kunthaasa; zangaara biittan kathi kunthaasa; enti ufaysan ililishe yexoosona.

← Chapter 64 Chapter 66 →