Psalms 11

Amharic Gofa GFBLVF (Geeshsha Maxaafa)

1Goday taani qosetada attiya bessi; yaatin ayis “Kafoda zumako baqata” yaagetii?

2Nagaranchoti xillota dhuman caddanaw, banta dongiya waaxidi uttidosona.

3Baasoy woddida wode, xillo asi ay oothanaw danda7ii?

4Goday ba geeshsha bessan de7ees; salon ba araatan uttidi asaa xeellees; Godaa ayfey asaa pilgees; wochees.

5Goday xilluwanne worduwa pilgees; iitatethi doseyisata ixees.

6Goday iitata bolla eexiya tama bonqonne diinne bukisana; dhaysiya goten enta seerana.

7Goday xillo gidida gisho, xillotethi dosees; suure asati iya som7uwa be7ana.

← Chapter 10 Chapter 12 →