bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Amharic
/
Amharic Gofa GFBLVF (Geeshsha Maxaafa)
/
Genesis 42
Genesis 42
Amharic Gofa GFBLVF (Geeshsha Maxaafa)
1
Yayqoobi Gibxen kathi de7eysa si7ida wode ba adde nayta, “Hinte issoy issuwa ayis xeelleetii?
2
Gibxen kathi de7eysa taani si7as; yaa bidi, nuuni hayqonna mela guutha kathi shammite” yaagis.
3
Yaatin, Yoosefa ishati tammati kathi shammanaw Gibxe bidosona.
4
Shin Yayqoobi I qohetana gidi hirgida gisho Yoosefa isha Biniyaame iya ishatara yeddibeenna.
5
Kanaane biittan wolqaama koshi de7iya gisho, kathi shammanaw beysatara Isra7eele adde nayti Gibxe gelidosona.
6
He wode Yoosefi he biitta aysiya gisho biittan de7iya asa ubbaas kathi bayzees. Hessa gisho, Yoosefa ishati yaa gakida wode banta som7uwa sa7a gathidi iyaw ziggidosona.
7
Yoosefi ba ishata be7ida melaka eri aggis. Shin I enta eronna asada hanidi; entako, “Hinte awupe yideti?” yaagidi oychis. Enti, “Kathi shammanaw, Kanaane biittafe yida” yaagidosona.
8
Yoosefi ba ishata eris, shin enti iya eribookona.
9
Yoosefi entaba amuhida ba amuhuwa akeekidi entako, “Hinte wochanaw yida asi, hinte nu biittan naagoy lepiya baggay awuneko be7anaw yideta” yaagis.
10
Enti, “Akay, nu godaw, nuuni wochanaw yida asi gidoko. Nuuni ne aylleti kathi shammanaw yida.
11
Nuuni ubbayka issi aawa nayta. Nuuni ne aylleti ammanetiya asi” yaagidosona.
12
Yoosefi entako, “Akay, hinte nu biittan naagoy lepiya baggay awuneko be7anaw yideta” yaagis.
13
Shin enti, “Nuuni ne aylleti Kanaane biittan de7iya issi ura nayta; nuuni tammanne nam7u ishanta. Wursetha kaaloy ha7i nu aawara son de7ees, issoy hayqis” yaagidosona.
14
Yoosefi entako, “Taani hintew odidaysada hinte biitta wocheyisata.
15
Hinte paacetanaysi haysana; tuma Kawoy hayqo, hinte wursetha kaalo ishay haysa yoona ixiko, hinte ha bessaafe beeketa.
16
Hinte odeysi tuma gideysa paacanaw, hintefe issuwa kiittite. I hinte isha ekidi yo, attidaysati qasho keethan gam7eeta. Hessi hanona ixiko, Kawoy hayqo, hinte biitta wocheyisata” yaagis.
17
Entana heedzu gallas qasho keethan qachis.
18
Heedzantho gallasan Yoosefi entako, “Taani Xoosse yayiya asi. Yaaniya gisho, hinte issiba oothiko hinte shempuwa ashshana.
19
Hinte tumaka ammanetiya ase gidiko, hinte ishatape issoy haysan qasho keethan de7o; attidaysati koshatiya hinte soo asaas kathi efite;
20
Shin hinte wursetha ishaa taako ehiko, hinte qaalay tumatana; hinteka hayqonna attana” yaagis. Entika iya oda ero gidi ekidosona.
21
Enti issoy issuwako, “Tuma nuuni nu ishas oothidabay nuna kaa7ees. I ba shempuwas watwatidi woossiya wode nuuni si7ishe ixida. Hessa gisho, ha waayey nuna gakis” yaagidosona.
22
Robeeli, “Taani hintena, na7aa bolla nagara oothopite gada odas, Shin hinte si7onna ixideta. Ha7i iya suuthay nuna achees” yaagis.
23
Yoosefi entara turjumaanen odetiya gisho enti giyaba I ereysa enti akeekibokona;
24
I entafe haraso bidi yeekis. Shin zaari entako yidi, entaw gujidika odis. I Simoona enta giddofe kessidi enti be7ishin qachis.
25
Yoosefi ba aylleta, “Katha enta ogoruwan kunthite; enta miishiyaka zaaridi, enta ogoruwan ogoruwan yeggite. Entaw oges shinqeka immite” yaagidi kiittis.
26
Enti I gidaysada oothidaape guye, Yoosefa ishati katha banta hareta bolla caanidi bidosona.
27
Enti qamma aqiya bessan entafe issoy ba hariyas kathaafe yegganaw ba ogoruwa billidi, he ogoruwa doonan de7iya ba miishiya demmis.
28
I ba ishatako, “Ta miishey taw simmis; tuma haysa be7ite; Ta ogoruwan de7ees” yaagis. Enti dagammidi kokorishe, issoy issuwako simmidi, “Xoossay nu bolla oothidabay haysi aybee?” yaagidosona.
29
Enti Kanaane biittan de7iya banta aawa Yayqoobako yidi, bantana gakidaba ubbaa iyaw odidosona.
30
Enti iyako, “He biitta haariya uray, nuna he biitta wochiya asada oothidi nu bolla yilotidi odetis.
31
Shin nuuni iyako, ‘Nuuni ammanetiya asi, biitta wocheyisata gidoko.
32
Nuuni tammanne nam7u ishanti issi aawa nayta. Issoy hayqis; wursetha kaaloy Kanaane biittan ha7i nu aawara de7ees’ yaagida.
33
Yaatin he biitta haariya uray nuna, ‘Hinte ammanetiya ase gideysa taani erana mela hinte ishatape issuwa haysan ta matan aggidi, koshatiya hinte soo asaas kathi ekidi biite.
34
Hinte biitta wocheyisata gidonna, ammanetiya asi gideysa taani erana mela, hinte wursetha isha taako ekidi yiite. Yaatiko, taani han attida hinte ishaa hintew zaarada immana. Hinteka ha biittan de7idi zal7anaw danda7eeta’ ” yaagidosona.
35
Enti banta ogoruwape kathaa qolishe, banta ogoruwan ogoruwan banta miishiya qashuwara uttidaysa demmidosona. Entinne enta aaway he qashuwara de7iya miishiya be7idi yayyidosona.
36
Enta aawa Yayqoobi entako, “Hinte tana ta naytape mela ashshideta. Yoosefi baawa, Simooni baawa, ha7i qassi Biniyaame efanaw koyeeta. Ubbabay taw zoko zaaris” yaagis.
37
Hessafe guye Robeeli ba aawako, “Taani Biniyaame new zaarada ehonna ixiko, ta adde nayta nam7aaka wodha. Tana ammanetada iya ta kushen yegga; taani iya zaarada ehana” yaagis.
38
Shin Yayqoobi entako, “Ta na7ay hintera beenna; iya ishay hayqin, attiday iya xalaala. Hinte efishin, ogen iitabay iya gakiko, hinte ta cimatetha afuthu muzishe ta hayquwa matayeta” yaagis.
← Chapter 41
Chapter 43 →