Revelation 15

Amharic Gofa GFBEVF (ጌሻ ማፃፋ)

1ታኒ ሳሎን ሀራ ግታነ ማላልስያ ማላታ በአስ። ፆሳ ዉርሰ ሀንቁዋ ቆንጭስያ ላፑን ቦሻታ ኦይክዳ ላፑን ኪታንቾት ደኦሶና።

2ቃስ ታማራ ዋላከትዳ ቡርጩኮ አባ ዳነይሳ በአስ። ሄ አባ ጋፃን ዶኣ፥ እያ ምስልያነ እያ ሱን ታይቡዋ ፆንዳይሳታ በአስ። ፆሳይ ኤንታዉ እምዳ ዲ ኦይክድ ኤቅዶሶና።

3ኤንቲ ፆሳ አይልያ ሙሰ ማዝሙርያነ ዶርሳ ማዝሙርያ ሀይሳዳ ያግድ የፆሶና። “ጎዳዉ፥ ኡባፈ ዎልቃማ ፆሳዉ፥ ነ ኦሶይ ግታነ ማላልስያባ። ደረ ኡባ ካዋዉ፥ ነ ኦገይ ፅሎነ ቱማ።

4ጌሽ ነ ፃላላ ግድያ ግሾ፥ ጎዳዉ፥ ነዉ ያዮናይነ ነ ሱን ቦንቾናይ ኦኔ? ነ ፅሎ ኦሶይ አሳ ኡባስ ቆንጨ ግድያ ግሾ፥ ካዎተ ኡባይ ነ ስን ይድ ጎይናና” ያግድ የፆሶና።

5ሄሳፈ ጉየ፥ ሳሎን ዶየትድ ደእያ ፆሳ ኬ፥ እካ ማርካተ ዱንካንያ በአስ።

6ላፑን ቦሻታ ኦይክዳ ላፑን ኪታንቾት ፆሳ ኬፈ ከይዶሶና። ኤንቲ ጌሽነ ጶልያ ሊኖ ማኦ ማእዶሶና፤ ባንታ ትራን ዎርቃ ዳንጮ ዳንጭዶሶና።

7ኦይዱ መተታፐ እሶይ፥ መርናዉ ደእያ ፆሳ ሀንቆይ ኩምዳ ላፑን ዎርቃ ፁአታ ላፑን ኪታንቾታስ እሚስ።

8ፆሳ ቦንቹዋፈነ እያ ዎልቃፈ ደንዶይሳን ፆሳ ኬይ ጩያን ኩምስ። ላፑን ኪታንቾት ኦይክዳ ላፑን ቦሻት ፖለታና ጋካናዉ ፆሳ ኬ ኦንካ ገላናዉ ዳንዳእቤና።

← Chapter 14 Chapter 16 →