Revelation 14

Amharic Gofa GFBEVF (ጌሻ ማፃፋ)

1ሄሳፈ ጉየ፥ ዶርሳይ ፅዮነ ዙማ ቦላ ኤቅዳይሳ በአስ። እያራ እያ ሱንይነ እያ አዋ ሱንይ ኤንታ ሶምኦን ፃፈትዳ፥ 144,000 አሳይ ደኤስ።

2ሳሎፐ ግታ ሃ ጉንነ ዳዳ ጉን ዳንያ ዎልቃማ ግርስ ስአስ። ቃስ ታ ስእዳ ግርሳይ ዲ ዲፅሽን ስኤትያ ግርሳ መላ።

3144,000 አሳይ አራታ ስንን፥ ኦይዱ ደኦን ደእያ መተታ ስንንነ ጭማታ ስንን ኤቅድ ኤንታፈ ሀራ ኦንካ ታማራናዉ ዳንዳኦና ኦራ ማዝሙረ የፅዶሶና።

4ሀይሳቲ ማጫሳራ ባንታና ቱንሶና ናግዳ ጌሻታ። ኤንቲ ዶርሳይ ብያ በሲ ኡባ ካሎሶና። ኤንቲ ፆሳስነ ዶርሳስ ባይራ ግድድ፥ ሺቃናዉ ሳአ አሳ ግዶፈ ዎዘትዶሶና።

5ኤንቲ ዎርዶይነ ቦረይ ባይና አሳታ።

6ሄሳፈ ጉየ፥ መርና ዎንገላ ሳአ ቦላ ደእያ ካዎተ ኡባስ፥ ኮቸ ኡባስ፥ ያራ ኡባስነ ዱማ ዱማ ዶና ኡባስ ማርካታናዉ ሳሎራ ፕራያ ሀራ ኪታንቾ በአስ።

7ሄ ኪታንቾይ ባ ቃላ ቁ ኦድ፥ “ፆሳይ አላምያ ፕርድያ ሳተይ ጋክዳ ግሾ ፆሳስ ያይተ፤ እያ ቦንችተ። ሳሎ፥ ሳኣ፥ አባነ ፑልቶ ሃ መዳ ፆሳ ጎይንተ” ያግስ።

8ኮይሮይሳ ካልድ ሀራ ናምአን ኪታንቾይ፥ “ደረ ኡባ ቱናነ ማይያ ዎይነ ኡሽዳ፥ ግታ ባብሎነይ ኩንዳሱ! ኩንዳሱ!” ያግድ ዋስስ።

9ሄን ኪታንቾይ ኤንታ ካልድ፥ ባ ቃላ ቁ ኦድ፥ “ዶኣነ እያ ምስልያ ጎይንያ ቃስ እያ ማላ ባ ሶምኦን ዎይኮ ባ ኩሸን ዎያ ኦንካ ደእኮ፥

10እያ ሀንቆ ፁአን ኩምዳ ፆሳ ሀንቆ ዎይንያ ኡያና። ኤንቲ ጌሻ ኪታንቾታ ስንንነ ዶርሳ ስንን ኤፅያ ዲነ ታማን ዋየታና።

11ኤንታ ዋይያ ጩያይ መር መርናዉ ጩይሸ ዳና። ዶኣነ እያ ምስልያ ጎይነይ ቃስ ሄ ዶኣ ሱን ማላይ ደእያ ኦንካ ቃማነ ጋላስ ሸምፖይ ባይና ካኤታና” ያግስ።

12ፆሳ ኪታ ናገይሳትነ የሱሳ አማነተይሳት ገንጭያ ምኖተይ ቆንጭያ ዎደይ ሄሳ።

13ሄሳፈ ጉየ፥ “ህዛፐ ጎዳን ሀይቀይሳት አንጀትዳይሳታ” ግያ ቃላ ሳሎፐ ስአስ። አያናይ፥ “ኤ ቱማ፥ ኤንታ ኦሶይ ኤንታ ካልያ ግሾ፥ ኤንቲ ባንታ ዳቡራፐ ሸምፓና” ያጌስ።

14ሄሳፈ ጉየ፥ ቦ ሻራ ቦላ ኡትዳ አሳ ናአ ዳነይሳ በአስ። እ ባ ሁጰን ዎርቃ ካላቻ ዎስ፤ ቃስ ባ ኩሸን ባጫ ኦይክስ።

15ሀራ ኪታንቾይ ፆሳ ኬፈ ከይድ፥ ሻራ ቦላ ኡትዳይሳኮ ባ ቃላ ቁ ኦድ፥ “ካ ሺሾ ዎደይ ጋክዳ ግሾ ነ ባጫ የዳዳ ካ ጫካ፤ ሳአን ደእያ ካይ ጋክስ” ያግስ።

16ያትን ሻራ ቦላ ኡትዳይስ ባ ባጫ ሳአ የድድ፥ ሳአን ደእያ ካ ጫክስ።

17ቃስካ ሳሎን ደእያ ፆሳ ኬፈ ሀራ ኪታንቾይ ከይስ፤ እያዉካ ኦጮ ባጭ ደኤስ።

18ታማ ቦላ ማት ደእያ ሀራ ኪታንቾይ ያርሾ በሳፈ ከይስ። እ ባ ቃላ ቁ ኦድ ኦጮ ባጫ ኦይክዳ ኪታንቹዋኮ፥ “ዎይነ አይፈይ ቴርዳ ግሾ ኔኒ ኦጮ ባጫ የዳዳ፥ ሳአን ደእያ ዎይንያፐ ቃንፃ” ያግስ።

19ሄ ኪታንቾይ ባ ባጫ የድድ፥ ሳአን ደእያ ዎይንያፐ ቃንፅድ፥ ፆሳ ግታ ሀንቁዋ ጉምእያ በሳን የግስ።

20ኤንቲ ካታማፐ ጋፃን ደእያ ዎይነ አይፈ ጉምእያ በሳን የትዶሶና። ሱ ዎይነ ጉምእያ በሳፈ ከይድ እስ ሙኩሉነ ኡሱፑን ፄቱ ክሎ ምትረ መላ ሃክድ፥ ፓራ ፑሎ ጋክድ፥ ቁ ግድ ኤልስ።

← Chapter 13 Chapter 15 →