Psalms 39

Amharic Gofa GFBEVF (ጌሻ ማፃፋ)

1ታኒ፥ “ታ እንፃርሳን ናጋራ ኦና መላ፥ ታ ኦግያ ናጋና። ኢታ አሳት ታ ደእያ ዎደ፥ ታ ዶና ባራና” ያጋስ።

2ሽን ዶና ሙመዳ ስእ ጋስ፤ ሀር አቶሽን ሎኦባ ኦደተይሳ አጋስ፤ ሽን ታ ዋየይ ሃ ዳርስ።

3ታ ዎዛናይ ታ ጋን ቴልስ፤ ታ ቆፋይ ታማዳ ኤፅስ፤ ያትን ታ እንፃርሳን ሃሳያ ዶማስ።

4ጎዳዉ፥ ታ ደኡዋ ዉርሰነ ታ ዳናዉ አትዳ ጋላሳ ታና በሳ፤ ታ ደኦይ አይ መላ ቃንኮ ታና ኤርሳ።

5ኔኒ ታ ላይ ታካዳ ዎዳሳ፤ ታ ላይይ ነ ስንን ባይናባ መላ፤ ቱማ አስ ኡባይ እስ ሸምፖ መላ።

6ቱማ አስ አያ ኤሾ መላ፤ እ ጮ ዳቡሬስ፤ ሻሎ ሺሼስ፤ ሽን ኦን ጎኤታነኮ ኤረና።

7ጎዳዉ፥ ሀእ ታ ናገይ ኦኔ? ታኒ ነናን ኡፋይስ ኦይስ።

8ታ ባላ ኡባፈ ታና አሻ፤ ኤያታን ታና ቶሽሶፓ።

9ሄሳ ኡባ ኦዳይ ነና ግድያ ግሾ ታኒ ሙማስ፤ ዶናካ ፖጋብከ።

10ነ ፃምአ ታ ቦላፈ ደን፤ ምኖ ነ ኩሽያ ጋሶን ታ ዳቡራስ።

11አሰ እያ ናጋራ ግሾ ሴራሳ፤ እያ አልኦ ደኡዋ ብላዳ ዉርሳሳ፤ ቱማ አስ ኡባይ እስ ሸምፖ መላ።

12ጎዳዉ፥ ታ ዎሳ ስአ፤ ታና ማዳናዉ ታ ዋሱዋ ሀይዛ። ታ አፉ በአዳ ስእ ጎፓ፤ ታኒ ታ አዋታዳ በተ አስነ እማ ግዳዳ ኔራ ደአይስ።

13ታ ሻከታናፐነ ባናፐ ስን ታኒ ኡፋይታና መላ ታና አጋ።

← Chapter 38 Chapter 40 →