Psalms 51

Amharic Gamo (ጋሞ ማጻፋ)

1ኣቤት ጾሳዉ! ኔ ሜርና ሲቆዛ ማላ ታና ማራ፤ ኔ ቃታ ዳሮን ታ ሞሮዛ ቁጫ።

2ታ ኢታቴ ኡባ ታፔ ሜጫ፤ ታ ናጋራፔካ ታና ጌሻ።

3ታኒ ታ ሞሮዛ ኤራይስ፤ ታ ናጋራይካ ኡባቶ ታ ሲንና።

4ታ ኔና ጻላ ቆሃዲስ፤ ቃሴካ ኔ ሲንን ኢታ ኦዲስ። ሄሳ ጊሻስ ኔ ቃጻይዳ ቂጻቴን፥ ኔ ታ ቦላ ፒርዲዳ ፒርዳንካ ኔ ጺሎ

5ታኒ ታ ኣዪ ኡሎፔ ዶማዳ ናጋራንቻ፤ ዬሌቶሶፌ ሃ ሲማዳካ ታ ሞራንቻ።

6ሄኮ ኔኒ ኣሳ ዎዚናፔ ቱማ ኮያሳ፤ ሄሳ ጊሻስ ታ ጊዶ ኣሳቴ ኔ ኣ ኤራቴ ታማርሳ።

7ሂሶጴ ቦንጮን ኔኒ ታና ፒስታ፤ ታኒ ጌያና፤ ታና ሜጫ፤ ታኒ ሻቻፌ ኣዳ ቦጻና።

8ኔኒ ታና ኡፋይሲኔ ሃሹ ጊሲዛ ሚሽ ሲሳ፤ ኔ ሜንሬዳ ታ ሜቄታካ ፓ።

9ኔ ሲን ታ ናጋራፔ ሃራሶ ዛራ፤ ታ ቆሆ ኡባካ ቁጫ ዲጋ።

10ኣቤት ጾሳዉ! ኔ ታስ ጌሻ ዎዚና ሜ፤ ሚኖ ኣያና ታ ጊዶን ዎ።

11ታና ኔ ሲንፌ ኦሎፓ፤ ኔ ጌሻ ኣያና ታፔ ኤኮፋ።

12ኔ ኣቶቴ ኡፋይሳ ታስ ዛራዳ ኢማ፤ ኤኖ ጊሲዛ ኣያናን ኔ ታና ኩን።

13ሂስቲኮ ታኒ ሞራንቻታ ኔ ኦጌ ታማርሳና፤ ሄ ናጋራንቻቲካ ኔኮ ሲማና።

14ኣቤት ጾሳዉ፥ ታና ኣሺዛ ጾሳዉ! ታኒ ሼምፖ ዎንታ ማላ ታና ማዳ፤ ታ ኢንጻርሳይካ ኔ ጺሎቴ ጊሻስ ኢሊሊሳን ዬጾ።

15ኣቤት ጎዳዉ! ታ ዶና ዶያ፤ ሂስቲኮ ታ ኢንጻርሳይ ኔና ጋላታና።

16ኔኒ ያርሾን ኡፋዬቲዛኮ ታ ኔስ ያርሾ ሺሻና፤ ኔ ጊዲኮ ያርሾን ኡፋዬታካ፤ ጹጌቲዛ ያርሾ ያርሺኮካ ኔኒ ኡፋዬታካ።

17ጾሳስ ሺቂዛ ያርሾይ ኣሽኬ ኣያና፤ ኣቤት ጾሳዉ! ሜቂዳ ዎዚና ኔ ካካ።

18ኣቤት ጾሳዉ! ኔ ዶሳን ጺዮኖ ዱሬሳ፤ ዬሩሳላሜ ጊምቤታ ጊምባ።

19ሄ ዎዴ ጺሎቴ ያርሾኒኔ ዉሪ ጹጌቲዛ ያርሾን ኔኒ ኡፋዬታና፤ ኮርማቲካ ኔ ያርሺዛሶን ያርሼታና።

← Chapter 50 Chapter 52 →