Psalms 47

Amharic Gamo (ጋሞ ማጻፋ)

1ካዎቴ ኡባይ ኢንቴ ኩሼ ባቂቴ፤ ኢንቴ ቃላ ቁ ኦዲ ጾሳስ ኢሊሊ ጊቴ።

2ቢታ ኡባ ቦላ ባይራ ካዎይ ኡባፌ ቃ ጾሳይ ኢዚ ያሺሲዛ ጾሳ።

3ዴራ ኑ ጋርስ ኣዴስ፤ ካዎቴታካ ኑ ቶሆ ጋርሳን ሃሪሲዴስ።

4ኢዚ ኑስ ላታ ቢታ ዶሪዴስ፤ ሄ ቢታይን ኢዚ ዶሲዛ ያቆቤይ ጬቄቴስ።

5ኢሊሊሺን ጾሳይ ኡፋይሳን ዛዬ ፑኒሺን ጎዳይ ፑዴ ባ ኣራታን ኬዚዴስ።

6ዬጺቴ፥ ጾሳስ ዬጺቴ፤ ዬጺቴ ኑ ካዎዛስ ዬጺቴ።

7ጾሲ ኣላሜ ኡባስ ካዎ፤ ሄሳ ጊሻስ ጋላታ ማዛሙሬ ኢዛስ ዬጺቴ።

8ጾሲ ካዎቴታ ቦላ ካዎቲዴስ፤ ባ ጌሻ ኣራታ ቦላካ ኡቲዴስ።

9ካዎቴታ ካሌዛ ዳናቲ ኣብራሃሜ ጾሳ ኣሳራ ኢሲፌ ሺቂዳ፤ ዴሬ ኡባ ካዎቲ ጾሳሳ፤ ኢዚ ኡባፌካ ቦላራ ቃ።

← Chapter 46 Chapter 48 →