Psalms 46

Amharic Gamo (ጋሞ ማጻፋ)

1ጾሲ ኑኒ ሺቂ ኣቲዛሶኔ ኑስ ዎልቃ፤ ኑና ሜቶይ ጋኪዛ ዎዴ ማዳናስ ኢዚ ኡባቶ ማታን ዴስ።

2ሄሳ ጊሻስ ቢታይ ቃጺኮ፥ ዙማቲካ ዱጌ ኣባን ጌሊኮ ኑኒ ያዮኮ።

3ኣባ ዳምባላይካ ጉሚዲ ሆሞቲኮ፥ ኢዛ ዎልቃማ ሃኖን ዙማቲ ኮኮርኮካ ኑኒ ዳጋሞኮ።

4ጾሳ ካታማን፥ ኡባፌ ቃ ጾሳይ ዲዛሶን ኡፋይሲዛ ሻፋቲ ዴቴስ።

5ጾሲ ኢዚ ጊዶን ዲዛ ጊሻስ ሄ ካታማያ ቃጹኩ፤ ዎንታ ማላዶራ ጾሲ ኢዞ ማዳና።

6ካዎቴቲ ማካላን ዴንዲዳ፤ ካዎቲካ ኩንዲዳ፤ ኢዚ ባ ቃላ ቁ ሂስቲ ሲሲዴስ፤ ቢታይካ ሴሪዴስ።

7ኡባፌ ዎልቃማ ጎዳይ ኑናራ ዴስ፤ ያቆቤ ጾሲ ኑ ቆቴቲ ኣቲዛ ቆልኣ።

8ሃ ዪቴ፤ ጎዳ ኦሶ ጼሊቴ፤ ኢዚ ሳኣ ዎስቲ ቡላሲዳኮ ቤኢቴ።

9ኢዚ ሳኣ ጋጻፔ ጋጻ ጋካናስ ዲዛ ኦላ ቴቄስ፤ ዎንዳፌኔ ቶራ ሜንስ፤ ጎንዳሌካ ታማን ጹጌስ።

10ሼምፒ ኡቲቴ፤ ታኒ ጾስ ጊዲዳይሳ ኤሪቴ፤ ካዎቴታ ቦላ ታ ቁ ቁ ጋና፤ ቢታ ቦላካ ታ ቁ ቁ ጋና።

11ኡባፌ ዎልቃማ ጎዳይ ኑናራ ዴስ፤ ያቆቤ ጾሲ ኑ ቆቴቲ ኣቲዛ ቆልኣ።

← Chapter 45 Chapter 47 →