Psalms 142

Amharic Gamo (ጋሞ ማጻፋ)

1ታ ቃላ ቁ ሂስታዳ ታኒ ጎዳኮ ዋሳይስ። ጎዳፔ ማሮቴ ዎሳይስ።

2ታ ቆሆዛ ኡባ ኢዛስ ማጋናይስ፤ ታ ሜቶ ኡባ ኢዛስ ዮታይስ።

3ታኒ ዳቡርዳ ዎዴ ኔኒ ታ ኦጌ ኤራሳ፤ ታ ሄሜቲዛ ኦጌን ታና ኦይካናስ ዎጺማዴ ዎዳ።

4ታኒ ታ ዩሾ ሲማ ጼሊዛ ዎዴ ታና ማዳናይ ኦኒካ ዴና፤ ታ ባቃታ ኣታናሶይካ ዴና፤ ታ ሼምፖይስ ዉዴቲዛ ኣሲካ ዴና።

5ኣቤት ጎዳዉ! ኔ ታና ማዳና ማላ ታ ኔኮ ዋሳይስ፤ ታ ዜምፖይ ኔና፤ ታ ሼምፖራ ፓጻ ዲሺን ታ ቃዳይ ኔና።

6ታኒ ኬሂፔ ሂዶታ ቃንጺዳ ጊሻስ ኔ ታ ዋሶ ሲያ! ታና ጎዲዛይቲ ታፔ ዎልቃቲዳ ጊሻስ ታና ኣሻ።

7ታኒ ኔ ሱን ጋላታና ማላ ታና ቃሾፔ ቢርሻ። ኔኒ ታስ ሎኦ ጊዲዳ ጊሻስ ጺሎቲ ታ ዩሾን ሺቃና።

← Chapter 141 Chapter 143 →