Psalms 110

Amharic Gamo (Geeshsha Maxaafa)

1GODAY ta Godaas, «Tani ne morkketa ne toho garsan yedhisana gakkanaas, ta ushachchan utta» gides.

2GODAY nees maata guufe Xiyooneppe kiittana; nenikka morkketa haarana.

3Neni ne morkketara olettiza gallas ne olanchchati ba shenen ne millen eqqana; wontta maalado awa mala geeshshateththan phoollashe ne naateteththa asay neekko yaana.

4GODAY, «Malkexeedeqe qeeseteththa mala nenikka mernaas qeese gidana» giidi caaqqides; izi ba qofa laammenna.

5GODAY ne ushachchan dees; izi ba hanqo gallas kawota tinchchereththana.

6Kawoteththata bolla izi pirdana; ola wosanatakka aha xalla histtana; sa7an ubbaan diza kawota izi menththereththana.

7Kawozi oge lanqen diza haaththa pulttofe uyidi, izi ba hu7e dhoqqu dhoqqu histtana.

← Chapter 109 Chapter 111 →