Psalms 6

Amharic Dawro DFBLVL (Geeshsha Mas'aafaa)

1Abeet Med'inaa Godaw, ne hank'k'uwaan taana seeroppaarikkii; woy ne yiluwaan taana muroppaarikkii.

2Abeet Med'inaa Godaw, taani labbanneedda diraw, taana maaraarikkii. Abeet Med'inaa Godaw, ta wozanay madus's'o diraw, taana patsa.

3Ta shemppatta daroppe un"ettaaddu; shin S'oossaw, taana maaddanaw neeni awude gakkanaw gam"ay?

4Abeet S'oossaw, neeni simmaade, taana ashsha; ne maarotaa daruwaan taana kessa akka.

5Hayk'k'eedda uray ooninne neena hassayenna; duufuwaan neena galatiyaawe baawa.

6Taani ooliyaan daaburaad; K'amma ubbaan taani yeekkaade, ta hiis'aa irs's'issaad; ta borkkotsaakka ta afotsaan muusuud'issaad.

7Ta morkkatuwaa ubbaa gaasuwaan taani afos's'eedda diraw, ta ayifii galjjeedda; ta ayifii demmennaan is's'eedda.

8Med'inaa Goday taani yeekkiyaa yeekuwaa siseedda diraw, Hinttenoo, iitaa ootsiyaa ubbatoo, gede taappe shaakettite.

9Med'inaa Goday ta watiwatuwaa siseedda; Med'inaa Goday ta woosaanne sisee.

10Ta morkke ubbatuu yeellatinonne tuggatino. Unttunttu k'oppennaan yeellatiide, guyye simmino.

← Chapter 5 Chapter 7 →