Psalms 8

Amharic Dawro DFBE (ጌሻ ማጻፋ) No Year

1አቤት መና ጎዳዉ፥ ኑ ጾሳዉ፥ ነ ሱንይ ሳኣ ኡባ ቦላን አያ ቦንቼቴዴሻ! ኔን ነ ቦንቹዋ ሳሎቱዋፐ ቦላን ቁ ቁ ኦ ዎዳ።

2ኔን ነ ሞርከቱዋ ድራዉ፥ ነ ባልጋራነ ነዉ ማንድያዋ ስርጵ ኦናዉ፥ ጉ ናናቱዋ ዶናን ምያ ናናቱዋ ዶናን ጋላታ ኩንዳ።

3ኔን ነ ብራቱዋን መዳ ነ ሳሎቱዋ፥ ሳኣን ሳኣን ኔን ዎዳ አግናነ ጾልንተቱዋ ታን በእያ ዎደ፥

4ኔን አሳባ ቆፓናዉ አሳይ አዬ? ዎይ ኔን አዉ ህርጋናዉ እ አዬ?

5አ ኔን ጾሳፐ አማሬዳዋ ጉዳ፤ ቦንቹዋነ ግታተ ካላቻ አ ሁጲያን ዎዳ።

6አ ኔን ነ መዳ መተ ኡባ ቦላን ሞድያዋ ኦደ ሱንዳ፤ ኡባባ አ ገድያፐ ጋርሳና ዎዳ።

7ዶርሳቱዋነ ቦራቱዋ፥ ሳኣ ዶአቱዋነ፥

8ሳሉዋ ካፎቱዋ፥ አባ ሞለቱዋነ፥ አባይ ጎግያሳን ዋያዋንታ ኡባካ አ ሞድሳዳ።

9አቤት ጾሳዉ፥ ኑ ጾሳዉ፥ ነ ሱንይ ሳኣ ኡባን አያ ቦንቼቴዴሻ!

← Chapter 7 Chapter 9 →