Psalms 42

Amharic Dawro DFBE (ጌሻ ማጻፋ) No Year

1ጋራይ ጎግያ ሃ ላሞትያዋዳን፥ አቤት ጾሳዉ፥ ሄዋዳን ታንካ ኔና ላሞታይ።

2“ታን ባደ፥ ጾሳ ስን በአናዌ አዉዴሻ?” ጋደ፥ ጾሳ፥ ደኡዋ ጾሳ በአናዉ ሳመታይ።

3አሳቱ ኡባ ገደ፥ “ነ ጾሳይ ሀቃን ደኢ?” ያግያ ዎደ፥ ታዉ ጋላስነ ቃማ ታ አፎይ ቁማ ግዴዳ።

4ታን ኡንቱንቱ ባላ ቦንቻናዉ፥ ሺቄዳ ዳሮ አሳ ግዱዋና ሳልፕያን ሆምቦጭሺናነ ጋላታ የ የጽሽን፥ ጾሳ ጎለ ካለዳዋ ቆፕያ ዎደ፥ ታ ዎዛናይ ካዮቲደ፥ ግዶን ሴሬዳ።

5ታ ሸምፓቴ፥ ታን አያዉ ካዮታይታ? ቃይ አያዉ ጃባካታይታ? ታን ጾሳን ህዶታ ዎና። አያዉ ጎፐ፥ ታን ብሮ ታና አሽያዋነ ታ ጾሳ ጋላታና።

6ታ ዎዛናይ ካዮቴዳ፤ ሄዋ ድራዉ፥ ታን ዮርዳኖሳ ቢታን፥ ሄርሞነ ቃን፥ ሚዛረ ደርያን ኤቃደ ኔና ሀሳያይ።

7ነ ሶሱዋ ጉንን ጪሙ ጪማዉ ጼሴ፤ ቃይ ነ ቤታይነ ነ ሆቢ ኡባይ ታ ቦላና ጎጌዳ።

8ጋላስ መና ጎዳይ አገና ባረ ሲቁዋ ታዉ ኪቴ። ቃማካ አ የይ ታናና ደኤ፤ ሄ የይካ ታን ታ ደኡዋ ጾሳ ዎስያ ዎሳ።

9ጾሳ፥ ታ ዎጋ ዛላ ታን፥ “አያዉ ታና ዶጋዲ? ታን አያዉ ታ ሞርክያን ናቀታደ ካዮታደ ሀመቶ?” ያጋይ።

10ታ ሞርከቱ ታና፥ “ነ ጾሳይ ሀቃን ደኢ?” ያጊደ፥ ታ መቀ መንደ ቦሪኖ።

11ታ ሸምፓቴ፥ ታን አያዉ ካዮታይታ? ቃይ አያዉ ጃባካታይታ? ጾሳን ህዶታ ዎና። አያዉ ጎፐ፥ ታን ሀእካ ታና አሽያዋነ ታ ጾሳ ጋላታና።

← Chapter 41 Chapter 43 →