Psalms 41

Amharic Dawro DFBE (ጌሻ ማጻፋ) No Year

1ህዬሳዉ ቆፕያ አሳይ አንጀቴዳዋ፤ መቱዋ ጋላስ መና ጎዳይ አ አሼ።

2መና ጎዳይ አ ናጊደ፥ ፓጻ ዎ። እነ ቢታ ቦላን አንጀቴዳዋ ግዴ፤ ጾሳይ አ አ ሞርከቱዋ አሞ አደ እመና።

3መና ጎዳይ አ ሀርግያ ሂን ደእሺናካ ማዴ፤ እ ሳከትናካ፥ አ ፓ።

4ታና ግዶፐ፥ ታን፥ “አቤት መና ጎዳዉ፥ ታን ኔና ናቄዳ ድራዉ፥ ታና ማራ፤ ሀርግያፐካ ታና ፓ” ያጋድ።

5ታ ሞርከቱ ኢታባን ታና ሃሳዪደ፥ “እ አዉደ ሀይቃንዴሻ? ቃይ አ ሱንይካ አዉደ ያንዴሻ?” ያጊኖ።

6ታና በአናዉ ይያ ኦንነ ታዉ ዎርዶባ ኦዴ፤ ባረ ዎዛናን ታና ዝግርያዋ ብዴ። ሄዋፐ ጉይያን፥ ካረ ከሲደ፥ ያነ ሃነ ኦዱዋ ላሌ።

7ታና እጽያ ኡባቱ እትፐ ታ ቦላን ሳሱኪኖ፤ “ኢታባይ አ ቦላ ጋኬ” ጊደ ቆፒኖ።

8ኡንቱንቱ “አ ኢታ ሀርጊ ኦይቄዳ፤ እ ሄ ግሴዳሳፐ ኡባካ ደንደና” ያጊኖ።

9ሀራይ አትና፥ ታን አማነትያ ታ ሲቆ ላጊ፥ ታን ባርሴዳዌ ታ ኩሽያ ሳኤዳ።

10ሽን አቤት መና ጎዳዉ፥ ኔን ታና ማራ፤ ታን ኡንቱንቱ ኩሽያ ከሳናዳን፥ ታና ሀርግያ ሂፐ ደን።

11ኔን ታናን ናሸታናዋ ታን ኤራይ፤ አያዉ ጎፐ፥ ታ ሞርኪ ታና፥ ጾኒደ ጋይረና።

12ኔን ታና ታ ሱረተ ድራዉ ዘምፕሳዳ፤ ነ ስንን ታና መናዉ ዎዳ።

13መና ጎዳይ፥ እስራኤልያ ጾሳይ፥ መናፐ መና ጋካናዉ ጋላተቶ። አመንእ። አመንእ።

← Chapter 40 Chapter 42 →