Psalms 148

Amharic Dawro DFBE (ጌሻ ማጻፋ) No Year

1መና ጎዳ ጋላትተ! ሳሎቱዋን ደእያዋንቶ፥ መና ጎዳ ጋላትተ፤ ቦላ ቃን ደእያዋንቶ፥ አ ጋላትተ።

2ህንተኖ፥ አ ኪታንቻቶ፥ ኡባቱ አ ጋላትተ። ሳሉዋን ደእያ አ ኦላንቻቶ፥ ኡባቱ አ ጋላትተ።

3አዋዉ፥ አግናዉ፥ አ ጋላትተ፤ ፖእያ ጾልንተቶ፥ ኡባቶ አ ጋላትተ።

4ህንተኖ፥ ኡባፐ ቦላ ቃን ደእያ ሳሎቶ፥ አ ጋላትተ። ሳሉዋፐ ቦላና ደእያ ሃቶ፥ አ ጋላትተ።

5ኡንቱንቱ ኡባቱ መና ጎዳ ሱን ጋላትኖ፤ አያዉ ጎፐ፥ እ አዛዝና፥ ኡንቱንቱ ኡባይካ መቴድኖ።

6እ ኡንቱንታ መ መናዉ ኡንቱንቱ ሳኣን ሳኣን ዎዳ። ኡንቱንቱ ኡባካ እጻናዉ ዳንዳየና አዛዙዋ እ ኡንቱንቶ እሜዳ።

7ሳኣን ደእያዋንቶ፥ መና ጎዳ ጋላትተ! አባን ደእያ መታቶ፥ ዎልቃማ አባ ጪማቶ፥ ኡባቱካ አ ጋላትተ።

8ህንተኖ፥ ዋልቃንዉ፥ ሻቻዉ፥ ሻርያዉ፥ ጫጋናዉ፥ አ አዛዙዋ ፖልያ ጎትያዉ፥ ኡባቱካ አ ጋላትተ።

9ህንተኖ፥ ደረቶ፥ ዞዘቶ፥ ምያ አይፍያ አይፍያ ምቶ፥ ዝጋቶ፥ ኡባቱካ አ ጋላትተ።

10መሄቶ፥ ዶአቶ፥ ሳኣና ጎሸትያ መታቶ፥ ፓልያ ካፎቶ፥ ኡባቱካ አ ጋላትተ።

11ሳኣ ካተቶ፥ ካዉተ አሳቶ፥ ካፓቶ፥ አሳ ሞድያዋንቶ፥ ኡባቱካ አ ጋላትተ።

12ዎዳላቶ፥ ዎዶራቶ፥ ጭማቶ፥ ናናቶ፥ ኡባቱካ አ ጋላትተ!

13ኡንቱንቱ ኡባቱ መና ጎዳ ሱን ጋላትኖ፤ አያዉ ጎፐ፥ አ ሱንይ ኡባፐ ቦላና ደእያዋ፤ አ ቦንቹ ሳሎቱዋፐካ ሳኣፐካ ቦላና ቃን ደኤ።

14አ ባጋ ግድያ፥ አዉ ማታትያ እስራኤልያ አሳቱ፥ አ ጋላታና ማላ፥ እ ኡንቱንታ ምንሴ። መና ጎዳ ጋላትተ!

← Chapter 147 Chapter 149 →