Psalms 146

Amharic Dawro DFBE (ጌሻ ማጻፋ) No Year

1መና ጎዳ ጋላትተ! ታ ሸምፓቴ መና ጎዳ ጋላታ!

2ታ ደኡዋ ላይ ኡባን፥ ታን መና ጎዳ ጋላታና፤ ታን ደኤዳ ኬናን ኡባን ታ ጾሳ ሳባና።

3አሳይ አሻናዉ ዳንዳየና ድራዉ፥ አሳ ካፓቱዋን አማነቶፕተ።

4ኡንቱንቱ ሸምፑ ከስያ ዎደ፥ ኡንቱንቱ ቢታዉ ስሚኖ፤ ኡንቱንቱ ሀልቹ ኡባይ ሄ ጋላስካ አት አጌ።

5ያቆባ ጾሳይ ማድያ ኡራይነ መና ጎዳ ባረ ጾሳ ባረዉ ህዶታ ኦያ ኡራይ፥ አንጀቴዳዋ።

6መና ጎዳይ ሳሉዋነ ሳኣ፥ ዎልቃማ አባነ አ ግዶን ደእያዋ ኡባ፥ መዳዋ፤ እ መናዉካ አማነትያዋ።

7እ ናቀቴዳዋንቶ ፕርድያዋ፤ ኮሻቴዳዋንቶ ቁማ እምያዋ። መና ጎዳይ ቃሸቴዳዋንታ ብሌ፤

8መና ጎዳይ ቆቀቱዋ ጼልሴ። መና ጎዳይ ኩንዴዳዋንታ ደን፤ መና ጎዳይ ጽሎቱዋ ሲቄ።

9መና ጎዳይ በተቱዋ ናጌ። አምኤቱዋነ አዉ ባይና ናናቱዋ ማዴ፤ ሽን ኢታቱዋ ኦግያ ባለ።

10መና ጎዳይ መናዉ ካተቴ። ጽዮኔ፥ ነ ጾሳይ፥ የለታፐ የለታ ጋካናዉ ካተታና። መና ጎዳ ጋላትተ!

← Chapter 145 Chapter 147 →