Psalms 114

Amharic 2000 (የአማርኛ መጽሐፍ ቅዱስ (ሰማንያ አሃዱ))

1እግዚአብሔር የልመናዬን ድምፅ ሰምቶአልና ወደድሁት።

2ጆሮውን ወደ እኔ አዘንብሎአልና በዘመኔ ሁሉ እጠራዋለሁ።

3የሞት ጣር ያዘኝ፥ የሲኦልም ሕማም አገኘኝ፤ ጭንቀትና መከራ አገኘኝ።

4የእግዚአብሔርንም ስም ጠራሁ፦ አቤቱ፥ ነፍሴን አድናት።

5እግዚአብሔር መሓሪና ጻድቅ ነው። አምላካችን ይቅር ባይ ነው።

6እግዚአብሔር ሕፃናትን ይጠብቃል፤ ተቸገርሁ እርሱም አዳነኝ።

7ነፍሴ ሆይ፥ ወደ ዕረፍትሽ ተመለሺ፥ እግዚአብሔር ረዳትሽ ነውና፤

8ነፍሴን ከሞት፥ ዓይኔንም ከእንባ፥ እግሬንም ከድጥ አድኖአልና።

9በሕያዋን ሀገር እግዚአብሔርን ደስ አሰኘው ዘንድ።

← Chapter 113 Chapter 115 →