Psalms 131

Cebuano RCPV 1999 (Ang Bag-ong Maayong Balita Biblia)

1O Ginoo, wala ako magpasigarbo ug wala ako magmapahitas-on. Wala ko tukiba ang mga butang nga dili ko matugkad.

2Apan nagmalinawon ug naghilom ako sama sa usa ka batang masuso nga anaa sa mga bukton sa iyang inahan; ang akong kasingkasing nagmalinawon.

3O Israel, salig sa Ginoo, sukad karon ug hangtod sa kahangtoran.

← Chapter 130 Chapter 132 →