Psalms 67

cebuano-1999

1O Dios, kaluy-i ug panalangini kami; ipakita kanamo ang imong kaayo

2aron ang tibuok kalibotan masayod sa imong kabubut-on; ug mahibalo ang tanang kanasoran sa kaluwasan nga gikan kanimo.

3Daygon ka unta sa katawhan, O Dios, daygon ka unta nilang tanan.

4Magmaya unta ang kanasoran ug mag-awit sa kalipay tungod kay naghukom ka sa katawhan uban ang hustisya, ug gigiyahan mo ang tanang kanasoran.

5Daygon ka unta sa katawhan, O Dios, daygon ka unta sa tanang katawhan!

6Mihatag ang yuta sa iyang abot; gipanalanginan kita sa Dios, nga atong Dios.

7Gipanalanginan kita sa Dios; pasidunggan unta siya sa tanang katawhan sa tanang dapit.

← Chapter 66 Chapter 68 →