1 Timothy 6

Baoule Bible 1996 (Kuo :Dele')

1:Yee' nyor⧾-a' klehkpeh: on no-a 'ge-nynuu, on: korn on 'ye an-a'a: nyor⧾: klaba'⧾: on korn-uh-a wlu 'ken, deh-' 'ye-eh-a' klehkpeh 'nyi, 'de nyor⧾: ne-' Nyorsoa-: 'dekorn:: a-a'a: nyor⧾ deh: torne-eh-: deh⧾-zon⧾ 'bhun dih: za-dih:.

2:Yee' 'ge-nynuu:: yuh 'Klae-a' dhih 'jeh-': po-nyor⧾ korn-a wlu 'ken, an-a': no-',: A-a' 'Klae: de-di'-boi': oo',: on: dhe dih. 'De an-a': vlehn-uh'. Jorwor: 'ge-nynuu:: dao', on: korn on 'ye an-a'a: nyor⧾: klaba'⧾: dao', an-a': koan no deh 'jeh neh, eh 'ye 'o: zi. Deh no-eh, an-a'a: nyor⧾: klaba'⧾: dao',: an 'ye-dih-a: koan: an no-a deh 'i, an-a' 'Klae: de-di'-boi': oo'. 'De on no an-a': dhih: kma-nyor⧾: ke. Deh⧾: daa, me-:: on 'ye-uh': torne:.: Yee' 'neh-uh ken, on 'ye-ih' no.

3:Yee': mor nyor: torne: nyor⧾ sih-deh⧾, 'de or-a' nyor⧾ deh: torne-eh: ne: a-a': Gwlor: baa': Yusu' 'Klae-a' 'yi 'sleh-deh: or torne-a nyor⧾, en 'ye: ao', en se: gwie: due' kpa, 'de sih-deh:⧾: dao', en: ne-Nyorsoa-deh se: gwie: due' kpa: ke,

4:yee' nyor: dao', or 'beh-dih or-a' 'jeh 'i yaa'e. 'De or se deh-' dih 'worn-eh 'ble. Or-a' 'dlu se 'o: gwie 'i: ne. Deh: due' or 'bhorn-a, eh-: 'dhu,: zaa'-: 'dekorn:: dhlumeh': po-eh-: 'do wlu⧾-a' dhih bo.: Yee' deh⧾: daa, en ya 'de: gwlehehn'-: jeh-a'-: 'jlei:: zie-dih-eh-: deh⧾ 'yli-eh 'zorn dih: bla-eh: 'de 'kulu: ka 'di-:

5'dekorn: jeh-a': or se-a 'dlu-': jla 'da: korn-: 'de nyor⧾: on: korn-a 'dlu⧾ se-a 'i 'sleh, 'nyne-'. Nyor⧾: dao', on se dhih-a' 'yor-eh yubo:: neheh'. An-a': porluh⧾ 'da, Nyorsoa-deh,: mor deh: oo', nyor⧾-a no,: eh 'ye nyor⧾: bhan-dih:.

6Keen', Nyorsoa-deh-a bhan-dih nyor⧾ 'weh, jorwor: eh: se 'kmo-a' bhan-a'.: Ka eh no-a nyor⧾: bhan-dih-eh, eh-: 'dhu, eh no-eh', 'de: an-a': porluh-a' 'pehn-dih, 'do deh: on 'ble-a bo.

7Ti: a 'ye-a 'noror yao 'zorn yi,: a: se 'de deh: ya.: Yee': mor: a: taa de mu,: a se 'beh-dih:: a 'ye deh kpa.

8'Do eh-a' dha,: ka eh: ne: ao',: mor: a 'ble dii-deh⧾-: 'dekorn: paa-deh⧾-:: yee': a-a': porluh⧾: korn en 'ye dih 'pehn.

9Jorwor: nyor⧾: an 'bhorn-a bhan-a', an-a' 'bhororn'-deh:⧾: dhulu': en 'dhu-a: bobo-deh⧾-: 'dekorn: nyor⧾ 'kor-dih-deh⧾-: me-: no-eh, 'de an 'kpa 'de dih 'dhen-eh-a' pluh 'worn: gbor. 'Bhororn'-deh:⧾: daa, me-: mu-uh ya: ya, 'de en 'ye-uh' 'kor-dih:, 'de on 'ye gbe: zie:.

10Deh no-eh, 'wlii-dhih:: kma-eh:, eh-: 'dhu, deh⧾-zon⧾-a' klehkpeh: en: ne-a dha yao 'zorn, en-' ji-buh-'. Nyor⧾: noo', mo-:: korn 'wlii-porluh: 'beh 'i 'gabaa, mo-: 'dhu eh-a' dhih,: on: to 'Klae-a' dhih 'jeh-': po-eh 'kpuh ya. 'De on: ya an-a' 'jeh 'kle 'ye-eh:: dhulu' bo.

11Jorwor:: mor: or 'dhu-a Nyorsoa-nyor-',: an-a': po-' deh⧾: daa son 'di. Jorwor: po 'de 'kpih,: on 'ye 'yi 'sleh-nyor no,: on 'ye Nyorsoa-nyor: 'jeh nor no,: on 'ye 'Klae-a' dhih 'jeh-': po-eh 'ble,: on 'ye: ybeh-dih-eh 'ble.: An-a': sea:-', jorwor:: kpoehn: 'i.

12Vorn vorn-a' 'jeh nor, 'do 'Klae-a' dhih 'jeh-': po-eh bo. Kpon 'kmo: sie:: febeh' dih,: eh: korn-a dhih Nyorsoa 'da: on, ti: on: nyna-a 'o: gwlor-nyor:⧾: dhulu' ybei' dih, 'de: on zela-eh ken dih deh 'jeh,: ka: on 'worn-dih:-a: Yusu' 'Klae-a' dhih.

13'Do Nyorsoa: or 'nyi-a deh⧾-a' klehkpeh: febeh' ybei'-: 'dekorn:: Yusu' 'Klae ybei'-:: or zela:-a or-a' 'jeh-a' dhih ken dih deh 'jeh, 'do 'Pantior: Pale' ybei', 'an 'bhorn

14:on 'ye 'o 'tele': daa dih dhe, 'do 'yi 'sleh ka 'di, 'de nyor⧾: ne-': on dhih 'bhun 'ye, 'de eh 'ye 'we-eh:: a-a': Gwlor: baa': Yusu' 'Klae-a mu-a 'de: ya ken: yeh-dih:.

15:Yusu'-a' 'de: yi-eh:, Nyorsoa: or no-a: bhorlie'-Nyorsoa, 'de: or: ne-a: due',: or no-a nyor⧾ wlu 'ken: korn-nyor,: or no-a 'Keen 'do 'keen-boi'-a' klehkpeh bo, 'de: or no-a: Gwlor: baa' 'do: gwlor: bai'-a' klehkpeh bo, or-a' 'jeh: dao', or-: mu-eh: no, 'de eh 'ye: no-eh:, 'do ti eh: korn eh 'ye-a': no-dih-eh 'di.

16Or: due' gbai,: or-a' 'meh. Or 'ti 'de zorn-pli-',: dha nyor se-a dih 'koan'-dih-eh 'beh-dih:. Nyor 'see-or 'ye: zai'. 'De mor nyor se 'beh-dih: or 'ye-or' 'ye. Deh-' 'ye-eh-: 'dekorn: 'kpih-: en: korn 'de or bo,: ka ti-a mu-a 'dlu-': tehn. 'Ka-: eh 'ye: ne.

17:Yee' 'nyi bhaan-nyor:⧾: on bhan-a: naa 'tele', dha yao 'zorn, on: ne-' on 'bei': vlehn, 'de on: ne-' an-a' deh: gwlii': dhe-eh 'de bhan-a' bo po. Deh no-eh, bhaan-deh⧾: se: gwlii': dhe-deh:. Jorwor: 'nyi-uh 'tele', on 'ye an-a' deh: gwlii': dhe-eh 'de Nyorsoa bo po,: or se-a 'kwa dih: kmu, 'de: or 'nyi-a: a deh⧾-a' klehkpeh,: en 'ye-a: a-a': porluh⧾ dih 'pehn-dih:.

18'Nyi bhaan-nyor:⧾: dao' 'tele', on 'ye deh⧾ 'jeh no, 'de an-a' deh⧾ 'jeh: no-eh:: dao', en 'ye 'o dih: zi. 'De on: sor: kmu 'kwa dih, an-a': porluh⧾ 'ye worn: nmor 'do nyor⧾ bo, 'do ti-a' klehkpeh bo.

19:Yee': mor on no deh⧾: dao',: yee' an dhe bhaan-deh⧾ dih, 'de ybei', 'do an-a' 'jeh bo, 'de on 'ye 'kmo-': ne-eh:: eh no-a 'kmo-': ne-eh: 'jeh 'ye, 'jeh ka.

20:Yee': Timehte', deh Nyorsoa po-a 'de: on 'kwa,: on 'ye-a' 'yli-eh bo 'dhu,: yee' 'dhu-eh 'yli-eh bo deh 'jeh neh.: An-a': po-': an-a' 'jeh 'de deh⧾: daa 'di,: en no-a,: bobo-dhih-a' polo-eh:: en se-a Nyorsoa deh-' 'ye-eh 'nyi-: 'dekorn: dhobo-eh:: eh se-a: toror' 'di: ne-:,: eh nyor⧾: noo'-a 'da-dih-a: gwluhuh' dih: florn-eh.

21:Gwluhuh' dih: florn-eh:: daa,: eh: ne: ao', eh-: nyor⧾: noo' 'da on 'ble.: Yee' 'do eh-a' dha, on se 'o 'Klae-a' dhih 'jeh-': po-eh-a': gwie 'i: ne: neheh'.: Yee' Nyorsoa po a-a' klehkpeh mla bo o.