1 Corinthians 15 — Baoule Bible 1996 (Kuo :Dele')

1:Yee' 'an 'Klae: de-di'-boi'-a:, 'an 'bhorn 'on 'ye-a Nyorsoa-a' tubo-wlu:⧾ 'jeh 'on po-a 'de a bo, en-' dhih a: gwluhuh' bo: po-dih:,: yih a kpon-a dih, 'de a-a' dhih 'jeh-': po-eh: nyna-a 'o ken dih.

2Tubo-wlu:⧾ 'jeh: daa, me-: no-eh, 'de a 'puh,: mor eh 'dhu a kpa en-' dih: kpon-eh 'dlu bo,: ka 'on no-a en-' po-a' 'de a bo. Jorwor:: mor a se: ao' en-' dih: kpon-eh no,: yee' a-a' dhih 'jeh-': po-eh no deh 'plo.

3Tubo-wlu⧾-a': yih: en 'kpa-a deh ken 'gabaa, me-: 'on kpon-dih, 'de 'on: zi-dih-ih 'de a bo,: en 'dhu-a, 'Klae 'meh-' 'do: a-a' deh⧾-zon⧾-a' dhih bo,: ka Nyorsoa-a' 'chlee-deh no-a eh-a': za-a'.

4'De on nma-dih-or dih, 'de or no 'we taan 'de mor. 'De Nyorsoa za-or 'de nma-dih-deh 'di. Deh: eh 'chle-eh 'de Nyorsoa-a' 'chlee-deh 'di, eh-: 'o,: eh 'kpa dhih 'jeh-'.

5Or 'wluh-dih:: Piteh' 'i: zai'. 'De or 'wluh-dih: or-a'a: bo: na-nyor:⧾: on: korn-a: bhue: 'yor: ne-a 'sororn' 'i.

6'De or 'wluh-dih: or-a' klei': zi-nyor:⧾: noo' 'i,: on zi-a: kehehn': mm' dih, 'do: dha: due'. An-a': dha: dhulu' mo-:: ne 'kmo-': naa, keen': mloror' an-a': noo' 'meh.

7:Yeh or 'wluh-a 'o: neheh',: yee' or 'wluh-dih: 'Jeen 'i, 'de or 'wluh-dih: or-a'a: dboo-nyor⧾-a' klehkpeh 'i: ke.

8:Yee': yeh 'bor-dih:-a 'o klehkpeh, eh-: 'dhu, or 'wluh-dih: 'an 'jeh 'yor-eh 'i: ke. Keen': mloror' 'on gweh nyor: or se-a ti 'jeh 'i 'wluh-dih:.

9Deh no-eh, 'mor no: Yusu'-a'a: dboo-nyor⧾-a' 'zeehn. 'On se-eh 'i: bleh-dih:, 'on 'ye or-a'a: dboo-nyor 'da-dih-eh:: sloror'. Deh no-eh, 'on 'ye-dih: Nyorsoa-a' 'chore 'kle: zai'.

10Jorwor: Nyorsoa-a' mla: oo', or-: no-eh, 'de 'on 'dhu-eh: nyor-' 'zean',: eh 'dhu-a: Yusu'-a'a: dboo-nyor-deh:: daa. 'De or-a' mla or po-a 'on bo, or: se-' 'kwla 'wla-eh:. Jorwor: 'on no: koan:, 'on: zi 'o 'on 'bei' dboo-nyor:⧾: yuh: sie:-a 'o. Keen': mloror' eh: se 'an 'jeh 'yor-eh-a' 'kpih, jorwor: Nyorsoa-a' mla: oo', or-:: no-dih: 'on: koan bo.

11:Yee' eh-a': yeh 'dhu 'mor-', 'on po Nyorsoa-a' tubo-wlu:⧾: daa, 'de mor eh-a': yeh 'dhu 'on 'bei' dboo-nyor⧾-', tubo-wlu:⧾: daa: a po-a, me-: a po dhih 'jeh-'.

12:Yee': mor: gwlor-nyor⧾: taa tubo-wlu⧾ po,: ka Nyorsoa: za-a: 'de 'Klae 'de nma-dih-deh 'di,: yee': kaa eh no, 'de a-a': noo' 'da, 'meheh'-nyor⧾: se-' 'kmo-' bo: yi i: neheh': eh?

13:Yee': mor eh 'dhu dhih 'jeh-', 'meheh'-nyor⧾: se-' 'kmo-' bo: yi i: neheh',: yee' Nyorsoa: se 'de 'Klae 'de nma-dih-deh 'di: za 'da.

14'De mor: mor Nyorsoa se 'de 'Klae 'de nma-dih-deh 'di: za: dee',: yee' tubo-wlu:⧾: a po-a, en se deh-' 'dhu-eh:: dee'.: Yee': a-a' dhih 'jeh-': po-eh se deh 'di: ne: ke.

15:Yee' 'do 'de: neheh',: a 'dhu-dih: Nyorsoa dhih ken dih. Deh no-eh,: a 'da: a dhe-eh ken dih 'weh, Nyorsoa: za 'de 'Klae 'de nma-dih-deh 'di 'weh. Jorwor:: mor eh 'dhu dhih 'jeh-',: ka 'meheh'-nyor⧾: se-a' 'kmo-' bo: yi i: neheh',: yee' Nyorsoa: se 'de 'Klae 'de nma-dih-deh 'di: za 'da.

16Deh no-eh,: mor eh 'dhu 'meheh'-nyor⧾: se-' 'kmo-' bo: yi i: neheh',: yee' Nyorsoa: se 'de 'Klae 'de nma-dih-deh 'di: za 'da.

17:Mor eh 'dhu Nyorsoa se 'de 'Klae 'de nma-dih-deh 'di: za,: yee' a-a' 'Klae-a' dhih 'jeh-': po-eh se deh 'di: ne, 'de a-a' deh⧾-zon⧾-a' dhih 'see bo 'ma-dih-eh 'gboror:.

18:Yee': mor Nyorsoa se 'de 'Klae: za,: yee' or-a' dhih 'jeh-': po-nyor:⧾: on 'kpa-a 'nyinor:: klaba'⧾-', on: zie: gbe: weh see.

19Deh: gwlii': dhe-eh:: a 'ble-a,: mor eh 'dhu 'Klae 'ye: a 'puh-dih: dha yao 'zorn: due' 'klein',: yee': a-a' dhih: korn en 'ye: wehlih: ne, eh 'ye 'o nyor⧾-a' klehkpeh-': zi.

20Jorwor: eh no dhih-a' 'yor-eh:, Nyorsoa: za 'de 'Klae 'de nma-dih-deh 'di 'weh. Or-: no: zai'-nyor,: or 'meh, 'de Nyorsoa: za-a: 'de nma-dih-deh 'di.

21:Yee': ka nyor-kpalu: due' no-eh 'de: gwlor-nyor⧾-a 'meh-a, 'ka-: eh no: ke, 'de nyor-kpalu: due': noror' no-eh, 'de 'meheh'-nyor⧾-a mu 'kmo-' bo: yi: neheh'.

22:A-a' 'Adan 'i: kor-eh: eh-:: ya 'de 'meh-a' 'do: a-a' klehkpeh bo.: Yee' 'ka-: eh: ne: ke,: a-a' 'Klae-a': ne-a', eh-: mu-eh: no, 'de: a-a' klehkpeh,: a 'ye 'kmo-': ne: dele' ka.

23Jorwor:: gwlor-nyor⧾-a' 'kmo-' bo: yi-eh mu 'o: dhororn' 'i: ne. Nyorsoa: za 'de 'Klae 'de nma-dih-deh 'di 'weh: zai' see.: Yee': mor 'Klae: taa 'de yi,: yee': yuh: on: korn-a 'de or bo, mo-: kor 'o dih.

24:Yee': mor or no: ao',: yee' 'bluhba-a' 'dlu-': jla-ti nyni 'o 'weh. 'Klae-a mu 'ku-: 'kwla 'ye-dih-deh⧾-: 'dekorn: nyor⧾ wlu 'ken: korn-nyor:⧾: on se-a Nyorsoa-a' dhih 'worn-dih:-: or mu an-a' klehkpeh: du, 'de or 'ye or-a' nyor⧾ wlu 'ken: korn-eh Nyorsoa 'nyi,: or 'dhu-a or: Baa'-'.

25Deh no-eh, 'Klae: korn or 'ye nyor⧾ wlu 'ken: korn: chio'lo:, 'de or 'ye nyor⧾: on 'nyeh-or' ya: ya, 'de or 'ye-uh' ken dih: na.

26'Mo 'nyeh-eh-dih-nyor:: or mu-a 'o 'bor-dih:,: or 'ye-a gbe: zie:, or-: 'dhu 'meh-a' 'kpih-'.

27Eh 'chle-eh:-' 'de Nyorsoa-a' 'chlee-deh 'di, eh 'da, Nyorsoa po 'o deh⧾-a' klehkpeh 'do or: buhbuh⧾ 'zorn. Eh 'worn-eh-'-: dih: mloror', jorwor:: mor eh 'da, deh⧾-a' klehkpeh,: yee' Nyorsoa: se 'o 'kpa.: Eh: korn dhih: oo': eh? Nyorsoa: oo',: or po 'o deh⧾-a' klehkpeh 'do 'Klae: buhbuh⧾ 'zorn.

28:Yee' ti Nyorsoa-a mu-a 'o deh⧾-a' klehkpeh 'do 'Klae 'zorn: po, or 'ye-ih'-a wlu 'ken: korn,: yee' 'Klae-a' 'yor-eh:: or 'dhu-a or-a' 'Yu-', or mu or-a' 'jeh 'do Nyorsoa 'zorn: po,: or po-a 'o deh⧾-a' klehkpeh 'do or 'zorn: zai'. 'De Nyorsoa 'ye deh⧾-a' klehkpeh wlu 'ken: korn 'tene': kpeen:.

29:Mor eh 'dhu deh-',: yee' a 'nyi: a: na-dih: nyor⧾: an po-a 'ni 'dlu 'do 'meheh'-nyor⧾-a' 'gor bo, an-a' dhih: gwluhuh' dih. Deh on dhe: gwlii' an mu 'ye-:: eh?: Yee': mor 'meheh'-nyor⧾: se-' 'kmo-' bo: yi i: neheh' klehkpeh,: yee' deh on dhe: gwlii' 'de an po 'ni 'dlu 'do 'meheh'-nyor⧾-a' 'gor bo: eh?

30:Yee': mor 'meheh'-nyor⧾: se-' 'kmo-' bo: yi i: neheh',: yee': eh: korn dhih, 'de: a: mor: mloror',: a na 'de 'meh-a' 'worn dih 'do ti-a' klehkpeh bo: eh?

31'An 'Klae: de-di'-boi'-a:, 'mor-: 'dekorn: 'meh-a'-:: a pobo 'yli 'de dih, zorn 'o zorn. 'An buh⧾ a 'beh-dih:-a 'i, 'de: a-a': Gwlor: baa': Yusu' 'Klae-a' deh 'di, eh-: no-eh, 'de 'an za deh: daa-'.

32'On vorn 'Ehfesor-nyor⧾ bo,: ka nyor-a vorn-a kpoon-nimi⧾ bo.: Mor 'on se-eh: gwlii' dhe, 'de 'an vorn-a': dao' 'di,: eh: mor,: mor 'on 'meh, 'an mu 'kmo bo: yi: neheh',: yee' deh 'on 'ye 'o: eh?: Yee': mor 'meheh'-nyor⧾: se-' 'kmo-' bo: yi: neheh',: yee': a 'beh-dih:: a 'ye: ao', A 'nyi: a di deh,: a 'ye 'na. Deh no-eh,: glaa'e: a mu 'meh-:,: ka nyor⧾: noo'-a 'da-a.

33A-a' 'worn-:-' nyor-a': bo-dih:-' a dih. Nyor⧾-zon⧾-: 'dekorn: nyor⧾ 'jeh-: an-a' bo nena-eh: gwle 'o, nyor⧾ 'jeh no-a' 'kor-dih: 'da.

34:Yee' a yi a-a' 'jeh bo. A 'bor deh⧾-zon:⧾: no-eh. Nyor⧾: noo', mo-:: ne 'de a 'nyne-', mo-: se Nyorsoa yubo: deh 'jeh. Deh: daa, eh: korn eh 'ye a dhen: no-dih:.

35:Yee' nyor: noror'-a mu eh-a' dih dhele: 'bla, or mu: ao',: Kaa Nyorsoa-a mu 'meheh'-nyor⧾-a' 'kmo bo: ya-eh: no: eh? Yau-a': yor-eh an mu 'ble-:: eh?

36A: mor: daa,: or 'ble-a: porluh: due'.: Koo-yor-eh:: on tba-a 'de glu,: mor eh 'meh: weh, 'de eh me.

37'De: mor: on tba deh⧾-yor, eh: se en-' tu-a': kpalu:: an mu-a: me,: on: se-' tba, jorwor: deh-a' 'yor-eh: due': oo': on tba. Eh 'beh-dih: eh 'ye: koo-yor-: 'dekorn: deh⧾-yor:: nee' no 'bla.

38Yau: Nyorsoa gan-a 'do deh⧾-yor:: dao' bo, me-: or 'nyi-ih. Yau:: on: korn-a 'de en bo: due': due', me-: or 'nyi-ih.

39:Yee' eh: se 'kmo: ne deh⧾-a' klehkpeh, me-:: korn yau: goor-dih:: deh.: Gwlor-nyor⧾-a' yau: ne 'o 'dor. 'De nimi-a' yau: ne 'o 'dor. 'De neme-a' ne: ne 'o 'dor: ke. 'De zimi-a' ne: ne 'o 'dor.

40'De deh⧾: en: ne-a 'de yao en-' yau-tu: ne 'o: weh, 'de: yih: en: ne-a dha yao 'zorn, en-' yau-tu: ne 'o: ke. 'Yi dih: nmor-eh:: eh: korn-a 'de: yih: en: ne-a 'de yao bo, eh: ne 'o 'dor. 'De 'yi dih: nmor-eh:: eh: korn-a 'de: yih: en: ne-a dha yao 'zorn bo, eh: ne 'o 'dor.

41'Yluh 'ble an-a' 'jeh-a' 'yi dih: nmor-eh:. 'Chuh 'ble 'yi dih: nmor-eh: 'dor. 'De 'chuh: dhlaen: 'ble en-' 'yi dih: nmor-eh: 'dor: ke. 'De mor 'de 'chuh: dhlaen-a' 'jeh 'nyne-', en 'ble 'yi dih: nmor-eh: 'dor: dor 'dor: ke.

42:Yee' 'ka-: eh mu: ne: ke, ti Nyorsoa-a mu-a 'de 'meheh'-nyor⧾ 'de nma-dih-deh 'di: za.: Mor yau nma-dih-eh: dih,: yee' on no deh 'meh-a': korn-a wlu 'ken, 'de: eh mu-a 'zorn-:. Jorwor:: mor Nyorsoa za-uh 'de nma-dih-deh 'di,: yee' on no deh: eh: se-a' 'zorn-: i, 'de: eh: se-a' 'meh-: i: neheh'.

43:Mor on nma-dih-eh: dih,: yee' on nyni-: 'yi, 'de on se 'kpih 'ble. Jorwor: ti Nyorsoa-a mu-uh-a 'de nma-dih-deh 'di: za,: yee' an mu 'yi dih: nmor, 'de on 'ye: kmu.

44:Yee': mor on nma-dih-eh: dih,: yee' on no yau:: on: ne-a dha yao 'zorn 'gboror:. Jorwor:: mor Nyorsoa za-uh 'de nma-dih-deh 'di,: yee' on no yau:: on Nyorsoa-a': Zulu 'nyi-a: febeh'.: Mor eh 'dhu yao 'zorn-yau: ne,: yee' yau: Nyorsoa-a': Zulu 'nyi-a: febeh': ne: ke.

45:Yee' eh 'chle-eh:-' 'de Nyorsoa-a' 'chlee-deh 'di, eh 'da,: Tehn 'i-nyor-kpalu: Nyorsoa no-a: or 'dhu-a 'Adan-', or: no-eh or 'ye 'kmo: ne-nyor no. Jorwor: 'Adan: or 'bor-dih:-a 'o, or-: 'dhu: Zulu:: an 'nyi-a nyor⧾: febeh'-'.

46Eh: se yau:: yuh Nyorsoa-a': Zulu 'nyi-a: febeh', on: se 'de yi: zai'. Jorwor:: yuh: on: ne-a dha yao 'zorn, mo-: 'o: on 'yle: zai', 'de jorwor:: yuh or-a': Zulu 'nyi-a: febeh' 'de an mu 'de: yi,: on 'kpa-a deh ken.

47'Bluh: on: ne-a dha yao 'zorn, mo-: Nyorsoa no, 'de or no: tehn 'i 'Adan. Jorwor: 'Adan:: yor: or no-a 'sororn' nor, or 'wluh 'de Nyorsoa 'bli yai'.

48:Yee' nyor⧾: on: korn-a dha yao 'zorn bo, on gweh: yor Nyorsoa: no-dih:-a 'bluh. Jorwor:: yuh: on: korn-a 'de Nyorsoa 'bli yai' bo, on gweh nyor: or 'wluh-a 'de Nyorsoa 'bli yai'.

49:Ka: a gweh-a nyor Nyorsoa: no-dih:-a 'bluh, 'ka-:: a mu nyor: or 'wluh-a 'de Nyorsoa 'bli yai' or-a' gweh-a': no: ke.

50'Nyi 'on zela: a: gwluhuh', 'an 'Klae: de-di'-boi'-a:. Deh: eh 'ble-a nyomor-: 'dekorn: 'pla⧾-: eh se 'beh-dih: eh 'ye Nyorsoa-a' nyor⧾ wlu 'ken: korn-eh 'ye. 'De mor yau:: an mu-a 'meh-:, on se 'beh-dih: on 'ye: dhe-da 'ye 'de: dha nyor⧾: se-a' 'meh-dih: i.

51A: gbee'e:. 'An mu a deh: eh no-a 'slan a-uh: gwluhuh' zela:. Eh: se: a-a' klehkpeh,: a: se-' 'meh-: i. Jorwor:: a-a' klehkpeh,: a-a' yau-a mu: za-dih:,

52'yli: a bla-a 'i, ti: de 'bor-dih:: gamu-a mu-a: wlu.: Yee': mor on: wlu,: yee' Nyorsoa-a mu nyor⧾: on 'meh-a 'noror 'kmo bo de: ya.: Yee' on: se-' 'meh-: i: neheh'.: Yee': a-a' klehkpeh,: a-a' yau-a mu: za-dih:: ke.

53:Yee': a-a' yau:: an mu-a 'meh-:, an mu: yuh: on: se-a' 'meh-: i: za-dih:. 'De yau:: an mu-a 'zorn-:, an mu: yuh: on: se-a' 'zorn-: i: za-dih:: ke.

54:Yee': mor yau:: an mu-a 'zorn-:, on: za-dih: yau:: on: se-a' 'zorn-: i, 'de: yuh: an mu-a 'meh-:, on 'ye: yuh: on: se-a' 'meh-: i: za-dih:,: yee' Nyorsoa-a' wlu-a mu dhih 'jeh-' 'kpa-:: eh no-a, 'Meh-a': za-eh:: gla.

55'Meh-a', dha: an-a' nyor: du-kpih: ne: naa: eh? Dha: an-a' 'kpih: en puhba-a nyor⧾ dih, en: ne: eh?

56:Yee' 'kpih 'meh-a' 'ble-a, 'de: en puhba-a nyor⧾ dih, en 'wluh 'de deh-zon bo. 'De deh-zon: za 'de eh-a' 'kpih: en 'dba-a nyor⧾ 'de: Mose'-a' 'tele' bo.

57Jorwor: 'zio: korn 'de Nyorsoa bo: or 'nyi-a: a 'kpih, 'de: a du-a 'meh-a',: eh: yi-dih:-a: a-a': Gwlor: baa': Yusu' 'Klae-'.

58:Yee' eh-a' dhih, 'an 'Klae: de-di'-boi'-a:,: on: korn-a dhih 'on: kma-a, a: nyna dih deh 'jeh. A-a' 'wluh-dih:-': gwliin'. A po 'de 'kpih a 'ye: Gwlor: baa'-a': koan no 'do ti-a' klehkpeh bo,: ka a yubo-eh,: eh: mor: koan: a no-a 'de or-a' deh 'di, or: se-a 'plo.