Psalms 133

Baoule (NYANMIƐN NDƐ'N 1998)

1Zerizalɛm kɔlɛ'n i su jue. Jue sɔ'n ɔ ti David liɛ. I waan: Nanwlɛ, kɛ aniaan'm be tran likawlɛ'n i sɔ'n ti kpa, ɔ yo nyɛnmɛn.

2Like bɔ i sɔ'n ɔ fɛ i'n yɛlɛ ngo kpa bɔ be fa gua aofuɛ kpa kun ti'n su b'ɔ sonji lele ju i akanza nun'n sa. Ɔ ti kɛ Aarɔn i akanza'n nun ngo b'ɔ sonji lele kpɛn i tralɛ dan'n i nuan buwlɛ'n su'n sa.

3Ɔ ti kɛ bɔlɛ b'ɔ fin Ɛrmɔn oka'n su lɔ ɔ wa gua Siɔn oka'm be su'n sa, afin lɛ yɛ Anannganman sieli kɛ ye bɔ be nyɛn i'n nin nguan'n be `fin bla tititi-ɔ.

← Chapter 132 Chapter 134 →