Psalms 121

Baoule (NYANMIƐN NDƐ'N 1998)

1Zerizalɛm kɔlɛ'n su jue. I waan: M man mín nyin'n su n nian oka'm bé lɔ siin. N usa kɛ: ?Nan min ukalɛ'n ɔ ´fin nin ?

2N tɛ su kɛ: Min ukalɛ'n ɔ fin Anannganman b'ɔ yili nyanmiɛn b'ɔ la nglo lɔ plaii'n nin asiɛ'n.

3Ɔ su kplin-man su kɛ ɔ́ ja'n ɔ seli. Ɔ su nianfuɛ sɔ'n ɔ su lafi-man.

4Izraɛlfuɛ'm bé su nianfuɛ'n ɔ tɔn-man ngwlɛ yɛ ɔ lafi-man.

5Sran ng'ɔ nian ɔ́ su'n yɛlɛ Anannganman. Ɔ ti kɛ fɔnvɔ sa, ɔ kata ɔ́ su, ɔ kpɔci-man wɔ.

6Ɔ man kɛ wia'n fi'n ɔ su bo-man wɔ. Kɔnguɛ, anglo'n kusu su yo-man wɔ like fi.

7Anannganman ´nian wɔ su man sa fi su nyan-man wɔ, ɔ ´sasa wɔ.

8Sɛ a ´tu ajalɛ'n, Anannganman ´nian ɔ́ su, ɔ kɔlɛ nun o, ɔ sin salɛ nun o. Kɛ ɔ fin ndɛ'n, ɔ ´nian ɔ́ su sɔ tititi!

← Chapter 120 Chapter 122 →