Psalms 100

Baoule (NYANMIƐN NDƐ'N 1998)

1Ye silɛ jue. Asiɛ'n sufuɛ mun, amun kwlaa amun `kpan kekle be yi be aklunjuɛ'n i nglo be kle Anannganman.

2An `su Anannganman aklunjuɛ su. Kɛ an ´kɔ Anannganman nyrun'n, amun `bo sro be yi be aklunjuɛ'n i nglo be kle i.

3Man amun si kɛ Anannganman yɛ ɔ ti Nyanmiɛn nin-ɔn. I yɛ ɔ yili ye-ɔ, e ti i liɛ. E ti i sran mun, yɛ e ti kɛ i kuku nun nnɛn mun sa.

4Kɛ amun ´wlu i sua'n nun'n, an `to ye silɛ jue. Kɛ an ´wlu i awlo klun lɔ'n, amun `to jue be mɛnmɛn i. An `yi i ayɛ. An `lɛ i ase!

5Afin ɔ ti kpa. I klun-ufue'n wo lɛ tititi. Ɔ di nanwlɛ tititi.

← Chapter 99 Chapter 101 →