Job 25

Baoule (NYANMIƐN NDƐ'N 1998)

1Bildad b'ɔ fin Siak'n seli Zɔb kɛ:

2Sielɛ'n wo Nyanmiɛn sa nun. Ɔ yo sro. I ti yɛ man nglo lɔ lika'n tɔ fɔuun nin-ɔn.

3?Wan yɛ ɔ kwla si Nyanmiɛn i sonja i akpasua'm be nuan-an? ?Wan cɛ yɛ i lika weiin'n ɔ kpɛjɛ-mɛn i su wie-ɔ?

4?Sran yo kpa Nyanmiɛn nyrun sɛ yɛ ɔ yo ye-ɔ? Klɔ sran'n ɔ ´yo sɛ yɛ ɔ ´yo saun i nyrun-ɔn?

5I nyrun'n, anglo'n bɔbɔ kpa'n ɔ kpaja-man. Nzraama'm be ti-man fitafita i nyrun.

6?Yɛ kakaa kɛ sran sa'n, yɛ kakaa ba kɛ klɔ sran sa'n, ɔ ´ko yo saun i nyrun sɛ?

← Chapter 24 Chapter 26 →