Esther 10

balinese

1Ida Sang Prabu Ahasweros taler ngarsayang pajeg ring rakyate sane magenah ring pasisi, pateh sakadi sane wenten ring pagunungan.

2Sakancan pakardin idane sane agung tur becik, kadi asapunika taler sejarah indik idane ngamanggehang Dane Mordekai dados prakangge agung, makasami kasuratang ring cakepan babad pararatun wong Persiane miwah Midiane sane resmi.

3Dane Mordekai, wong Yahudine punika, dados anak nomor kalih ring sor Ida Sang Prabu Ahasweros. Dane kajiang tur katresnain antuk bangsa Yahudine. Dane mapakardi buat kabecikan bangsan danene miwah buat karahayuan parakaturunannyane.