Psalms 120

Azerbajani (Azərbaycan Bibliyası 2008)

1Dar gündə Rəbbi səslədim,O mənə cavab verdi.

2Dedim: «Ya Rəbb, yalançı dodaqlardan,Fitnəkar dillərdən canımı qurtar».

3Ey fitnəkar dil, sənə nə veriləcək?Bu işinin əvəzi nə ilə ödəniləcək?

4Cəngavərin iti oxları ilə,Süpürgə ağacının odlu közləri ilə!

5Yazıq canım, Meşekdə qərib olmuşam,Qedar çadırlarında yaşayıram!

6Mənim belə yerdə,Sülhə nifrət edənlərin içində yaşamağım bəsdir.

7Mən sülh sevirəm, buna görə danışıram,Onlarsa müharibə üçün çalışır.

← Chapter 119 Chapter 121 →